Ensiklopedijai milliji toçik
Ensiklopedijai milliji toçik (ba ixtisor EMT) — donişnomai milliji Toçikiston, ki sar az soli 2008 ta'lifu tadvinaş dar Toçikiston şurū' şudaast. Çildi jakumi EMT soli 2012 bo te'dodi 5 hazor nusxa bo sarfi 350 hazor somonī dar şahri Almaatoi Qazoqiston naşr şudaast. Dar donişnoma 3200 maqola çoj giriftaast, ki ba qalami 650 muallif taalluq dorand.[1]
Çildi avvali in ensiklopedija az harfi «A» şurū' şuda, bo kalimai «Asos»-i in harf ançom joftaast.
Sarredaksijai ilmiji Ensiklopedijai Milliji Toçik 20 marti soli 2013 çildi duvvumi donişnomai bisjorçildai «Ensiklopedijai Milliji Toçik»-ro ba naşr rasond. 25 darsadi ittiloot marbut ba harfi «A» ba çildi duvum guzaştaast.[2]
Ta'rix[viroiş | edit source]
Bo Farmoni Prezidenti Toçikiston dar davlati sohibistiqlol, kuhanfarhang, mutamaddin, dunjavī va huquqbunjodi mo niz ba tahijavu tadvini ensiklopedijai milliji bisjorçilda pardoxta şud, zero dar kitobhoi ensiklopedī ta'rixi kişvar, ilm, iqtisodijot, xoçagiji dehot, madanijat, adabijotu san'at, urfu odat, marosimho, hajotu fa'olijati şaxsijathoi buzurg, xodimoni ma'rufi çam'ijat, namojandagoni mumtozi ilmu ma'rifat, adibon, hunarmandon va san'atvaroni ma'ruf darç xohand şud. Taçribai ta'rixī nişon medihad, ki hec jak millat nametavonad biduni bahravar şudan az tamadduni muştaraki millathovu qavmhoi hamçavor ba sari xud millati tavonovu bofarhang sozad va dar tūli hazorsolaho bobaqovu pojanda monda tavonad.[3]
Xati maşji kişvari mo, ki tarafdori sijosati e'tirof va ehtiromi me'jorhoi huquqi bajnalxalqī, daxolat nakardan ba istiqloli sijosī va iqtisodiji kişvarhoi ƣajr, ruşdu tavseai hamkoriho va robitahoi manfiatbaxşi dutarafa bo mamlakathoi dunjost, hameşa az arzişhoi millivu farhangiji toçikon dar tamomi sathho va arsaho puştibonī mekunad.
Naşri naxustini çildi jakumi EMT az çonibi hajati Sarredaksijai ilmiji Ensiklopedijai Milliji Toçik soli 2012 intişor gardida, soli 2015 çildi corumi Ensiklopedijai Milliji Toçik naşr şudaast.
Oƣozi fa'olijat[viroiş | edit source]
Sarredaksijai ilmiji Ensiklopedijai Milliji Toçik az ibtidoi oƣozi kori kitobi bisjorçildai «Ensiklopedijai Milliji Toçik» ba muassisahoi ilmī, idorahoi davlatī, donişgoh va donişkadahoi olī, ittifoqhoi eçodī, mutaxassisoni alohidai tamomi sohahoi ilmu farhang va hatto paƶūhişgohhoi xoriçiju mutaxassisini çudogonai burunmarzī bo Loihai luƣatnomai naşri mazkur muroçiat namuda onhoro ba hamkorī va madad da'vat karda bud, ki dar natiça Luƣatnoma mavridi muhokimai vasei ahli çam'ijat qaror girifta to andozae takmil joft. Taçribai naşr şudani 8 çildi Ensiklopedijai Sovetiji Toçik mabnī bar taqrizu naqdhoi farovoni dar vasoiti axbori omma ba tab'rasida sobit namud, ki aksari erodhoi mutaxassison va xonandagoni odī ba çoj doda şudani şaxsijatho dar kitob oid budand. Ba xotiri minba'd çilavgirī kor kardan az cunin erodho dar Ensiklopedijai Milliji Toçik Qarori Hukumati Çumhuriji Toçikiston (№ 439 az 2 sentjabri soli 2010) "Dar borai me'jorhoi vorid namudani şaxsijathoi ma'rufi ta'rixī va muosir ba «Ensiklopedijai Milliji Toçik» ba tasvib rasid, ki Sarredaksija tibqi on amal menamojad.
Vobasta ba tatbiqi texnologijai navtarini sahifabandiju oroişi kitob va bodarnazardoşti sifati copi kitob az aksho va rasmhoi aksaran sijohu safedi kūhnaşuda, ki barqaror kardanaşon ƣajriimkon bud, sarfi nazar gardid. Hamcunin şaxsijathoe, ki aksi xudro peşnihod nakardand, az çildi avval berun mondaand. Haçmi maqolaho vobasta ba mavqeju manzalati mavzūi peşnihodşuda, muhimijati on va taklifi muallifon bo maddi nazar giriftani ma'lumoti ilovagī baroi muhaqqiqoni ojanda muajjan va ta'jin gardidaast.
Aksari maqolahoi ensiklopediro vobasta ba taxassushoi gunogun olimoni ma'ruf navişta, maqolahoi murattibī va tarçumaviro niz mutaxassisoni varzida az ma'xazu manba'hoi mu'tamad tartib dodaand, jo tarçuma kardaand.
Tamomi maqolahoi çildi avvali EMT-ro biduni olimon-mutaxassisoni çudogonai sohahoi gunoguni ilm, a'zoi Şūroi ilmī-tahririji az tarafi Hukumati Çumhuriji Toçikiston tasdiqşuda xonda ma'qulu manzur va ba cop tavsija namudaand. Tartibi omoda kardani çildhoi minba'dai EMT niz ba hamin usul idoma xohad joft.
Mundariça[viroiş | edit source]
Donişnomai «Ensiklopedijai Milliji Toçik» çanbai ilmiju ommavī doşta naxust ensiklopedijai millist. Dar Qomusi «Ensiklopedijai Milliji Toçik» maqolaho dar borai ta'rixi kişvar, ilm, iqtisodijot, xoçagiji dehot, farhang, adabijotu san'at, urfu odat, marosimho, hajotu fa'olijati şaxsijathoi buzurg, xodimoni ma'rufi çam'ijat, namojandagoni ilmu ma'rifat, adibon va hunarmandoni ma'ruf darç şudaand. Dar ajni zamon dar Qomus baxşe az matolib dar borai ta'rixi çahon, muximtarin dastovardhoi ilmu texnika va farhangi çahonī, hajot va koru pajkori nobiƣagoni çahonī, ki ibratomuzand ovarda şudaand.
Mutoliai rojgon[viroiş | edit source]
Xonandagon imkon dorand ba tavri rojgon az somonai rasmiji Muassisai davlatiji Sarredaksijai ilmiji Ensiklopedijai Milliji Toçik Bojgonī şudaast 20 avgusti 2018 sol. nusxai elektroniji çildhoi naşrşudai donişnomai mazkurro borgirī va mutolia namojand.
Haçm va muhtavoi naşr[viroiş | edit source]
| Çild | Unvon | Soli
naşr |
ISBN | Şumorai
sahifaho |
Adadi
naşr |
|---|---|---|---|---|---|
| 1 | A — Asos | 2011 | ISBN 978-99947-33-45-3 | 608 | 5000 |
| 2 | Asos — Boz | 2013 | ISBN 978-99947-33-52-4 | 664 | 5000 |
| 3 | Boz — Vickut | 2014 | ISBN 978-99947-33-46-0 | 676 | 5000 |
| 4 | Viclas — Gūjanda | 2015 | ISBN 978-99947-33-77-4 | 660 | 5000 |
| 5 | Ƣ — Diroja | 2016 | ISBN 978-99947-33-67-5 | 664 | 5000 |
| 6 | Dirham — Zamin | 2017 | ISBN 978-99947-33-69-9 | 664 | 5000 |
| 7 | Zamin — Illja | 2018 | ISBN 978-99947-33-89-9 | 648 | 5000 |
| 8 | Ilm — Ishoq | 2019 | ISBN 978-99975-68-12-0 | 672 | 5000 |
| 9 | Ishoq — Kaşiş | 2020 | ISBN 978-99975-68-17-5 | 676 | 5000 |
| 10 | Kaşiş — Koson | 2022 | ISBN 978-99985-0-006-8 | 664 | 5000 |
| 11 | Koson — Qurbon | 2023 | ISBN 978-99985-0-053-2 | 660 | 5000 |
EMT dar Vikipedijai Toçikī[viroiş | edit source]
Az soli 2014 viroişi intişoroti Ensiklopedijai Milliji Toçik dar Vikipedijai Toçikī şurū' şudaast.
Nigared niz[viroiş | edit source]
Ezoh[viroiş | edit source]
- ↑ Naşri çildi avvali Ensiklopedijai milliji toçik dar Qazoqiston — Tojnews(pajvandi dastnoras)
- ↑ Çildi duvvumi Ensiklopedijai Milliji Toçik ba naşr rasid — Xovar. 1 apreli 2013 sançida şud. Bargirifta az sarcaşmai avval 21 marti 2013.
- ↑ Emomalī Rahmon. Toçikon dar oinai ta'rix. Az Orijoī to Somonijon. Duşanbe, 2009, sah. 8.
Pajvandho[viroiş | edit source]
- donishnoma.tj — vebgohi rasmiji Ensiklopedijai milliji toçik
Sarcaşma[viroiş | edit source]
- A — Asos. — D. : SIEMT, 2011. — 608 s. — (Ensiklopedijai Milliji Toçik : [taxm. 25 ç.] / sarmuharrir A. Qurbonov ; 2011—2023, ç. 1). — ISBN 978-99947-33-45-3.