Баобаб
Баобаб | ||||||||||||||||
---|---|---|---|---|---|---|---|---|---|---|---|---|---|---|---|---|
Адансонияи панҷамонанд, ё баобаб. Намибия | ||||||||||||||||
Табақабандии илмӣ | ||||||||||||||||
ХАТО: шаблони орояшинохтӣ нест, который должен описывать систематическое положение таксона Adansonia.
|
||||||||||||||||
Номи байнулмилалии илмӣ | ||||||||||||||||
Adansonia digitata L., 1753 | ||||||||||||||||
|
Баоба́б, ё Адансонияи панҷамонанд (лот. Adansonia digitata) — навъи дарахт аз ҷинси Адансония оилаи Malvaceae. Дар биёбонҳои Африқои тропикӣ мерӯяд.
Тавсифоти гиёҳшиносӣ
[вироиш | вироиши манбаъ]Баландиаш 18–25 м; даври шоху навдааш 9–10 м (аз ин рӯ баобаб яке аз дарахтони бузургтарини ҷаҳон ба ҳисоб меравад); ғафсии танааш то 25 м; навдаҳои болоияш ғафс, ҳангоми хазонрез дарахти «чаппагардон»-ро мемонад. Танаи баобаб мавсими боронгарӣ обро ҷаббида, фасли сармо намиро ихроҷ менамояд. Баобаб октябр–декабр гул мекунад; гулаш тоқа, панҷбарга, калон (то 20 см), сафеди арғувонӣ, хушбӯй; шом шукуфта, субҳ пажмурда ва бадбӯй мегардад. Самари баобаб харбузашакл (то 40 см) буда, таъми турш дорад (хӯрданбоб аст). Бештар хӯроки маймунҳост. Баобабро нондарахти маймунҳо низ меноманд. Баобаб тақрибан 4–5 ҳазор сол умр мебинад.
Корбурд
[вироиш | вироиши манбаъ]Аз навдаҳои он ресмон мебофанд, тӯри моҳидорӣ тайёр мекунанд; аз хокистараш доруҳои зидди шамолхӯрӣ, шикамдард, бемориҳои дил, зиқи нафас, дарди дандон ва ғайра омода месозанд. Аз гарди гули баобаб ширеш, аз тухмаш қаҳва тайёр мекунанд, самараи сӯхтааш дар собунпазӣ истифода мешавад. Занҳои африқоӣ бо оби решаи баобаб мӯи сарашонро ранг мекунанд.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Школьник Ю. К. Растения. Полная энциклопедия растений. — М.: ЭКСМО, 2009. — С. 116—117. — 256 с. — ISBN 978-5-699-10969-2.
Сарчашма
[вироиш | вироиши манбаъ]- Баобаб // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.