Бизәкләп туку

Бастыру юрамасы башка кулланылмый һәм аңарда эшкәртү хаталары булырга мөмкин. Зинһар өчен, браузерның сакланмаларын яңартыгыз һәм моның урынына браузерның компьютер көйләгән бастыру функциясен кулланыгыз.

    Бизәкләп туку өй һәнәрчелеге һәм вак мануфактуралар рәвешендә яшәп килгән.
    Татар хатын-кызлары борын-борыннан, сәгатьләр буе туку станы артында утырып, үзләренә - бирнә, туган-тумачаларына һәм кияүләренә, Сабантуйга - бүләкләр, йорт өчен чаршаулар, кашагалар, сөлгеләр әзерләгәннәр. 
    Оста куллар бизәкләп туку техникасвнвң барлык төрләрен белгәннәр. Болар - чүпләмле туку, төсле чүпләм, кыялап сугу һәм аеруча традицион булган асалап сугу. Кызыл яки алсу төстәге борынгы сөлгеләргә төшерелгән эре-эре, катлы-катлы геометрик бизәкләр, нигездә, буй-буй итеп сөлге читләренә урнаштырылган. 
    19 гасырның икенче яртысыннан алып бизәкләр ваграк, җиңелрәк, челтәрлерәк була башлый. 19 гасырдагы кайбер сөлгеләрдә бизәкләр тар буйчалардан гына тора.

Чыганак: Н.Сергеева "Тылсымлы бизәк=Магия узора" китабы.