Nikol'sk (Penzan agj)
Lidnanznam |
Flag |
Valdkund | Venäma |
Eläjiden lugu (2021) | 19,873 ristitud |
Pind | 12,69 km² |
Pämez' | Vladimir Gorškov (sügüz'ku 2019—) |
Telefonkod | +7−84 165-xx-xxx |
Avtokod | 58 |
Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Nikol'sk (ven.: Нико́льск, erz.: Никольск ош) om Venäman lidn da lidnankund Penzan agjan pohjoižpäivnouzmas. Se om Nikol'skan rajonan administrativine keskuz.
Istorii
[vajehta | vajehtada lähtetekst]Eländpunktan aluz om pandud vl 1761 kuti Nikol'skaja Pöstrovk-žilo (ven.: Никольская Пёстровка) kahten žilon ühtištusel: Nikol'skoje (Nikolo-Pöstrovk, oli tetab vspäi 1668) i Pöstrovk (Pen' Pöstrovk, 1680-nziš vozišpäi). Šingotihe hrustalin stökoltegimel (1764−2010). Vl 1928 kätihe radnikžiloks. Se sai lidnan statusad nügüdläiženke nimitusenke vn 1954 15. päiväl sulakud.
Nikol'sk šingotase vauktusentehnižen stöklan tegimel, sauvondmaterialiden pästandal (punümbriradai kombinat, diatomitan samine da ümbriradmine), sömtegimištol (leibän edheotand, voitegim).
Geografijan andmused
[vajehta | vajehtada lähtetekst]Lidn sijadase rajonan päivnouzmas, Virgan-jogen hural randal tobjimalaz (ven.: Вырган, Suran oigedpol'ne bassein ližajogi), 240 m ü.m.t. keskmäižel korktusel.
Matkad Penzhasai om 92 km suvipäivlaskmha orhal vai 112 km avtotel. Lähembaine lidn om Inz (raudtestancii, Ul'janovskan agj) 24 km pohjoižpäivnouzmha orhal vai 51 km avtotedme. «Penz — Ul'janovsk»-avtote läbitab lidnan päivlaskmad. Kaidraižuine raudte Inzhasai om muretud lidnas 2000-nzil vozil.
Tobmuz
[vajehta | vajehtada lähtetekst]Nikol'sk om lidnankundan üks'jäižeks eländpunktaks. Lidnankundan pind — 12,69 km².
Lidnankundan tobmuden pämez' om sen Ezitajiden suiman ezimez'. Edeline suiman ezimez' om Nikolai Lüsev, radoi vn 2019 sügüz'kuhusai. Lidnan Administracijan pämez' om Irina Palienko vn 2023 redukuspäi (velgusentäutai). Edeližed lidnan Administracijan pämehed oma Denis Jumatov (keväz'ku 2021 — reduku 2023), Viktor Popkov (semendku 2016 — keväz'ku 2021).
Eläjad
[vajehta | vajehtada lähtetekst]Vl 1939 lidnan ristitišt oli 10 100 eläjad. Vn 2010 Venäman rahvahanlugemižen mödhe lidnan eläjiden lugu oli 22 471 ristitud, rajonan kaks' koumandest, vn 2021 — 19 873 ristitud. Kaik 21 056 eläjad oli lidnas vl 2017. Kaikiš suremb lidnan ristitišt oli 26..27 tuhad eläjid vll 1989−1998 (27 300 rist. vl 1992).
Rahvahad (2010): venälaižed — 88,5 %, mordvinalaižed — 9,8 %, toižed rahvahad — 1,7 %.
Ortodoksižen hristanuskondan viž pühäpertid[1] oma avaitud lidnas: Sündun Eläbzdusen päjumalanpert' (1824, leibtegim radoi, om udessündutadud 2000-nzil vozil), Sündun Eläbzdusen uz' jumalanpert' (om saudud vll 1999−2003), mugažo koume časounäd.
Lapsiden opendusen aluzkundad oma nell' päivkodid, nell' keskškolad (nomer 1..4), čomamahtoiden škol, lapsiden da norišton sportškol. Nikol'skan tehnologine kolledž[2] om lidnan professionaližen opendusen aluzkundadaks.
Galerei
[vajehta | vajehtada lähtetekst]-
Vladimir Leninan muštnik (2014)
-
Stöklantegimen kontor vl 2014
-
Avtobusstancii vl 2012
Homaičendad
[vajehta | vajehtada lähtetekst]- ↑ Nikol'skan pühäpertid sobory.ru-saital. (ven.)
- ↑ Nikol'skan tehnologižen kolledžan sait (nik-ntk.ucoz.ru). (ven.)
Irdkosketused
[vajehta | vajehtada lähtetekst]Nikol'sk (Penzan agj) Vikiaitas |
Penzan agjan lidnad | ||
Alalomov | Belinskii | Gorodišče | Kamenk | Kuzneck | Nikol'sk | Penz | Serdobsk | Spassk | Sursk | Zarečnii | ||