Terwoan
Thérouanne | |
---|---|
Terwoan in 't arroundissement Sint-Omoars | |
Geografie | |
Regio | Hauts-de-France |
Departement | Nauw van Kales |
Arroundissement | Sint-Omoars |
Kanton | Frusje |
Coördinoatn | 50°38′NB 2°15′OL |
Ippervlak | 8,37 km² |
Inweuners | |
Inweuners | 1155 (2015) 138 inw./km² |
Andere | |
Burgemêester | Alain Chevalier |
Postcode | 62129 |
Webadres | Site van Terwoan |
Terwoan, vroegre ook Therenburch ofte Terenburg (Frans: Thérouanne, Nederlands: Terwaan) is e gemêente in 't Fransche departement Now van Kales (Pas-de-Calais), in 't nôord'n van Vrankryk. De gemêente êt e bitje mêer of 1 000 inweuners. Terwoan grenst an de gemêentn Klarke, Mametz, Gienegoate, Delettes en Ardbere.
Geschiednisse
[bewerkn | brontekst bewerken]In de Pree-iestoorje en d' Oedeid was die plekke e needrzettienge die 't middlpunt van de Morienn-stamme vormde. Loatre wierd de stad Terwoan de zeetle van 't bisdom Terwoan.
In de Middelêewn beôorde de stad toe 't Groafschap Vloandern, noadien toe 't Groafschap Arteezje. In 1553 wierd ip bevel van Keizre Koarle de stad vulleedig verwoest, achtre d' ôorlogsverkloarienge an êm van de Fransche keunienk. Van de veele gebown, woaroendre de kateedroale, blêeftr nietnt oovre. Ten tyde van de verwoestienge woarndr in de stad apeupri 2 000 inweunrs. De plekke wierd verloatn en 't bisdom ofgeschaft.
Ip 't ende van de 16ste êewe oentstoendr e niew dorp an den oendrekant van den euvle woarip da den oede stad ôoit a geleegn, an de bôordn van de Leie ip de platse van 'n oede buutnwyk van Terwoan, Saint-Martin-Outre-Eau. Oede vermeldiengn van da niew dorp dateern uut de 17ste êewe lik "Faulbourgs de jadis Thérouanne" en "Faubourgs haults de Théroannes". Ip 't ende van 't ancien régime wierd Terwoan e gemêente. In 1822 wierd beurgemêente Nielles-lès-Thérouanne (148 inweuners in 1821) ofgeschaft en anhecht by Thérouanne (570 inweuners in 1821).
't Ziene weird
[bewerkn | brontekst bewerken]- De neogôotiesche Sint-Moartenskerke (Église Saint-Martin) uut 1872 wierd gebowd in de typiesche styl van de streeke (mêt e zwoare westrtôorn). De glasroamn beeldn de woapns uut van de bisschoppn van Terwoan.
- E plekke mêt ipgroaviengn van 7de-êewsche Karoliengiesche bisschopplikke gebown wierd in 1992 ingeschreevn lik iestôoriesch monument.
-
Woapnschild
-
Sint-Moartnskerke
-
Ipgroaviengn van de bisschopplikke gebown
Zied ook noa
[bewerkn | brontekst bewerken]Eksterne koppliengn
[bewerkn | brontekst bewerken]- (fr) Gemêentlikke website.
- (fr) Statiestiekn.
- (fr) Archeoloogiesche prospeksje. E luchtfoto gift styf goed 't ôorsproenklikke tracé van de (vroegre) stadsmeurn weere.
- Rekonstruuksje-têeknienge van de vroegre stad.
Ofbeeldiengn die ier by passn ku je vien in de categorie Thérouanne van Wikimedia Commons. |