普洱

普洱（粵拼：pou2 nei2，注意「洱」字讀音）係以中國雲南一定區域內嘅雲南大葉種曬青毛茶做原料，經過後發酵加工成嘅散茶同緊壓茶。佢外形色澤褐紅；內質湯色紅濃明亮，香氣獨特沉香，滋味醇厚回甘，葉底褐紅。

普洱茶嘅產地因喺清朝時屬雲南省普洱府（而家普洱市，2007年前係思茅市），所以以此泛稱。實際上，而家被叫做滇普洱茶通常係指雲南地區生產嘅一種茶葉。主要產地係雲南嘅西雙版纳、臨倉、普洱等地區。

明朝時普洱茶係叫普茶，明成祖朱棣曾下令取消天下龍團同鳳團等緊壓茶，但唔係黑茶係綠茶；喺邊境嘅雲南，呢種古稱「團茶」嘅緊壓茶製作工藝保存萿來。

普洱茶自古被認為有治理腸胃、解油膩嘅功能。主食係牛羊肉同澱粉（青稞）嘅西藏人，據講只要無茶，就會病。現代中國、日本同法國嘅臨床實驗都顯示普洱茶有降低膽固醇同血脂嘅功效，對心血管疾病保健好有幫助^[1]^[2]。

由於普洱茶「渥堆」工藝一向被視為唔傳嘅秘密，所以造成「黑洞」，令初次接觸嘅人容易買到唔合格嘅普洱茶；所以選購普洱茶必須搵信用良好嘅商家，或特別注意熟茶有無異味。

分類

普洱茶可根據形狀、產地、年代、品級、製作工藝、發酵環境等來分類。

品格

初製毛茶分為春、夏、秋三個規格。春茶又分春尖、春中、春尾三個等級；夏茶又叫二水；秋茶叫做谷花。普洱茶中以春尖同谷花品質最佳。同佢鮮葉做原料，經特殊工藝製作而成嘅普洱茶，香味濃郁，耐泡，湯黃明亮，香氣清幽，滋味醇厚。

製作工藝

依照普洱茶嘅製程，又可分為生茶同熟茶。生茶直接將「毛青茶」蒸壓製成型，熟茶就喺蒸壓製前加上一道「渥堆」嘅工序；所謂渥堆，就係將「毛青茶」加水加高提高茶葉溫度，利用菌種嘅好氧反應，將茶葉中嘅植物蛋白水解成胺基酸、並破茶葉嘅葉綠素、氧化產生茶紅素同茶褐素。經過「渥堆」呢個轉化程序，普洱茶喺兩個月左右就變得順滑甘甜適合飲用，而生茶就必需再經幾年儲存、經過「陳化」先啱飲用。

發酵環境

普洱茶嘅生茶依據儲存方式，又可以分為「乾倉」同「濕倉」。「濕倉」嘅轉化程序較快，「乾倉」就要耐啲，但「乾倉」長期陳化嘅普洱茶風味更好、價錢貴；一般「乾倉」普洱茶要產生茶紅素、俗說「反紅」，根據唔同嘅產地至少需時10－30年。

形狀

普洱茶以形狀可分為散茶同緊壓茶二類，散茶喺製成「毛青茶」後即刻賣，緊壓茶將「毛青茶」蒸壓製成、磚、沱……等各種形式。緊壓茶具有以下多種形狀：

圖片	俗稱	描述^[3]
	餅茶	小圓餅形，每塊重100g-5kg；又叫做「七子餅茶」。
	沱茶	碗狀，中間下凹，外徑8垔米，高4.5厘米。
	磚茶	長方磚形，又可分為青磚茶、米磚茶、黑磚茶、花磚茶、茯磚茶等。
	方茶	方形，外形平整，茶磚上多有印字。
	緊茶	形狀似沱茶，但多咗一個柄，令形狀類似蘑菇；後因為包裝唔方便，改做磚形。
	金瓜	形狀像金瓜，係著名嘅貢茶。