波士頓
波士頓(頓讀陰上聲,粵拼:bo1 si6 deon2;英文:Boston,英文讀音:[ˈbɒstən]),係美國一城,亦係一埠。佢係麻省省城,係紐英倫最大嘅城。佢喺美國東岸,對住大西洋。2008年估計,人口52萬0535,係全部第廿一大城。波士頓同周圍城地,擴展成大都會,叫大波士頓,人口450萬,係全國第十大大都會。如果以返工交通網計,大波士頓橫跨麻省六縣,包括Essex、Middlesex、Norfolk、Suffolk、Plymouth以及Worcester。另外亦包括全個羅德島同部份New Hampshire,咁就變成美國第五大區。
1630年,英國清敎徒來到Shawmut半島立。去到十八世紀,波士頓就變成美國革命嘅舞臺,有出名嘅波士頓大屠殺同波士頓茶會兩件大事。革命初期戰事,波士頓同周圍有Bunker山之戰同波士頓之圍。此後,波士頓不斷壯大,一路填地,一路吞併,遠超原有半島。美國獨立之後,波士頓變成大埠,亦係工業重地。佢咁嘅經歴,每年都引到1630萬遊客到城。美國史中,波士頓有唔少美國之首,好似首間公立學校,1635立嘅波士頓拉丁學校(Boston Latin School),同埋首套地下鐵。
波士頓城內城外,都有唔少學府大學,所以高等敎育集中地,亦係醫學中心。個城經濟靠研究、電子、機械、金融同埋高科技,尤其係生物技術。個城生活水平愈來愈高,美數之中,數一數二,令窮人就難以負擔。之不過,佢係仍然係世界上,高踞最住得人排名。
2013年4月15號波士頓馬拉松受到恐怖襲擊,造成至少3人死,176人受傷[1],其中一個死者係中國留學生。
註
編輯- ↑ McConville, Christine (April 23, 2013). "Marathon injury toll jumps to 260". Boston Herald. 喺April 24, 2013搵到.
- ↑ 〈第三届广州国际城市创新奖五大获奖城市出炉〉. 《中國新聞網》. 2016-12-08.