蘇聯
(由蘇維埃社會主義共和國聯盟跳轉過嚟)
根據蘇聯憲法,蘇聯係聯邦制國家,由 15 個平等權利嘅蘇維埃社會主義共和國(加盟共和國)照自願聯合嘅原則組成,由蘇聯共產黨領導,首都係莫斯科。國家元首係蘇聯最高蘇維埃主席團主席同蘇聯總統。政府首腦係部長會議主席(總理),實際嘅最高領導人係蘇聯共產黨中央委員會總書記。武裝力量稱為蘇聯紅軍。國歌係蘇聯國歌。
蘇聯係第二次世界大戰主要戰勝國,故此喺解體前係聯合國安全理事會常任理事國,有權否決議案。喺蘇聯解體之前,即係冷戰時期,蘇聯同美國一樣都係超級大國,蘇聯代表社會主義,而美國就係代表資本主義。兩國喺世界上都有好大嘅影響力,而且成日有衝突,例如韓戰、越戰、古巴飛彈危機。最後蘇聯解體,冷戰先正式結束。
國名來源
編輯蘇聯嘅全名係蘇維埃社會主義共和國聯盟。蘇維埃(俄羅斯話:совет)係由俄羅斯文音譯嘅詞語,佢嘅意思係工人委員會。[1][1]
出面網頁
編輯- ↑ updated, Owen Jarus last (2022-03-01). "Soviet Union: History, leaders and legacy". livescience.com (英文). 喺2024-04-17搵到.