任關佩英
閱讀設定
任關佩英,GBS,JP,(1946年7月6號—)係前香港公務員,做過運輸署署長同廉政專員,外號「鐵蝴蝶」。佢喺香港出世,籍貫廣東南海,喺嘉諾撒聖心書院畢業,1969年香港大學英國語言文學系畢業,同年加入香港政府做政務官。
2000年1月1號,佢出任嗰陣時新成立嘅環境食物局局長。任內政績包括推行全港性嘅廢物回收計劃。2002年7月1號,香港政府推行「高官問責制」,佢提早退休,離開公務員隊伍。環境食物局亦被分拆咗去另外兩個決策局—衛生福利及食物局同環境運輸及工務局。
任關佩英喺2002年獲頒授金紫荊星章,2003年7月獲委任做非官守太平紳士。
任關佩英老公任錦漢係任志剛堂阿哥,亦係美國艾默生電氣公司亞太區總部企業項目及服務總裁。