希臘同丹麥王子安德烈亞斯
閱讀設定
安德烈亞斯 | |
---|---|
私人明細 | |
配偶 | 巴騰堡愛麗絲公主 |
仔女 | 瑪格麗塔 狄奧多拉 塞西莉 蘇菲亞 菲臘 |
父 | 佐治一世 |
出世 | 1882年2月2號 |
過世 | 1944年12月3號(62歲) |
安葬 |
安德烈亞斯(希臘文:Ανδρέας;丹麥文:Andreas;1882年2月2號—1944年12月3號),全名希臘同丹麥王子安德烈亞斯,係格呂克斯堡王朝嘅一個王子,希臘國王佐治一世第四個仔,丹麥國王基斯頓九世個孫。佢同時係愛丁堡公爵菲臘親王個老豆。
安德烈亞斯1882年響希臘雅典出世,自細響王宮度大。雖然佢有近視,但佢都喺1901年參軍。後嚟佢響希土戰爭入面出任師長,但係希臘軍輸咗,佢大佬康斯坦丁一世被迫響1922年退位,之後安德烈亞斯就被人拉咗。最後佢被人驅逐出境,一家人之後去咗法國。
1930年代,佢老婆因為有精神障礙而被分開,四個女都嫁嗮去德國,而個仔菲臘被送去英國返學,得安德烈亞斯自己繼續留喺法國。1937年,佢三女塞西莉同佢老公同埋兩個仔喺比利時撞機身亡。
響二戰期間,安德烈亞斯自己被困響維希法國,老婆就喺希臘,個仔菲臘就幫英國打仗,而淨低三個女婿都係幫納粹德國打仗。佢同佢老婆同埋個仔冇得見面之餘,連通訊機會都冇。
當二戰就快完嗰陣,佢響摩納哥蒙地卡羅因為心臟衰竭而走咗,終年六十二歲。死後,佢將遺產嘅十分之一畀咗個仔菲臘,但佢亦留低咗唔少債務,所以佢外母愛麗絲公主話佢攞嗮啲錢畀法國二奶。
屋企
[編輯]佢老婆係巴騰堡愛麗絲公主,兩個人有四個女一個仔,分別係: