港澳客輪碼頭
(由港澳碼頭 (香港)跳轉過嚟)
港澳客輪碼頭（簡稱港澳碼頭）係香港目前主要嘅碼頭口岸，1985年9月27號啟用，位於香港島上環信德中心，提供往來香港同埋澳門嘅高速客輪服務。碼頭設有入境事務處上環出入境管制站以及海關設施。碼頭可應付每年1,500萬嘅旅客量，設有內、外兩座碼頭，中間有60公尺闊嘅水道畀船行，並以行人天橋連接。
除咗澳門航線外，港澳碼頭亦提供中山、珠海、深圳蛇口、廣州南沙等地方航線服務。
-
港澳碼頭售票處
-
行人天橋連接港澳碼頭
-
港澳碼頭旁嘅巴士總站，之前係「大笪地」
直升機坪
[編輯]碼頭天台亦設置直升機停機坪，名為空中快線直升機場，由空中快線直升機有限公司（之前叫港聯直升機（香港）有限公司）營運，提供來往港澳嘅直昇機航班，由香港上環往澳門新外港碼頭大概要 16 分鐘，澳門新外港碼頭往香港上環大概要 19 分鐘。
另外，直升機場亦提供包機服務，前往澳門新外港碼頭、澳門國際機場、深圳寶安機場及廣州白雲機場。
跨境渡輪
[編輯]碼頭提供多條航線來往香港、澳門及廣東嘅主要碼頭：
因武漢肺炎影響，所有航線已暫停服務直至另行通知。
-
信德直升機機場
-
金光飛航喺香港港澳碼頭嘅入閘口
-
一架由信德中心起飛嘅空中快線直升機
史
[編輯]從前，上環港澳碼頭係露天嘅小碼頭，賣船飛個位都係露天嘅。喺信德中心啟用之後就移入室內，稱為港澳客運碼頭。
佢附近喺史上有著名嘅上環大笪地，係「平民夜總會」，有賣武南拳北腿、唱戲賣藝、睇掌相面相，賣涼茶、果汁、西瓜汁、成衣、褲頭帶，以及其他日用品嘅晚間流動小販。
