27 Desember: Verskil tussen weergawes

27 Desember is die 361ste dag van die jaar in die Gregoriaanse kalender (362ste in skrikkeljare). Daar volg nog 4 dae in die res van die jaar.

Gebeure

• 418 – Teenpous Eulalius begin sy pontifikaat.
• 1726 – Pous Benedictus XIII verklaar Francis Solano, Johannes van die Kruis en Peregrine Laziosi heilig.
• 1831 – Charles Darwin verlaat Plymouth aan boord HMS Beagle op wat 'n geskiedkundige ekspedisie sou word.
• 1838 – Die Slag van die Opatikloof vind plaas, 11 dae na die Slag van Bloedrivier.
• 1934 – Die Brits-Amerikaanse renjaer Whitney Straight wen Suid-Afrika se eerste Grand Prix by Oos-Londen met 'n Maserati 8CM.
• 1945 – Die Wêreldbank word ná 'n ooreenkoms tussen 28 nasies gestig.
• 1949 – Koningin Juliana van Nederland staan soewereiniteit aan Indonesië toe.
• 1958 – Albino Luciani (later Pous Johannes Paulus I) word biskop van Vittorio Veneto.
• 1968 – Die Amerikaanse ruimtetuig Apollo 8 voer die eerste bemande omwenteling van die Maan uit.
• 1978 – Spanje word 'n demokrasie ná 40 jaar van diktatorskap.

Geboortes

• 1571 – Johannes Kepler, Duitse wiskundige en sterrekundige († 1630).
• 1654 – Jacob Bernoulli, Switserse wiskundige en wetenskaplike († 1705).
• 1822 – Louis Pasteur, Franse skeikundige († 1895).
• 1862 – Anton van Wouw, Suid-Afrikaanse beeldhouer († 1945).
• 1901 – Marlene Dietrich, Duits-Amerikaanse aktrise († 1992).
• 1923 – Lucas Mangope, Suid-Afrikaanse politikus en voormalige president van die onafhanklike Bantoestan Bophuthatswana (1977–1994) († 2018).
• 1930 – Ampie Muller, 'n akademikus en omroeper († 2019).
• 1936 – Ena Murray, Afrikaanse skryfster († 2015).
• 1944 – Makhenkesi Stofile, Suid-Afrikaanse politikus († 2016).
• 1961 – Guido Westerwelle, Duitse politikus († 2016).

Sterftes

• 1923 – Alexandre Gustave Eiffel, Franse ingenieur; bouer van die Eiffeltoring in Parys (* 1832).
• 1969 – Gerhardus Jacobus Badenhorst, Afrikaanse boer, landbou-pionier en nyweraar (* 1900)
• 1978 – Houari Boumediène, rewolusionêr en tweede President van Algerië (* 1932).
• 2007 – Benazir Bhutto, Pakistanse politikus (* 1953).
• 2015 – Randall Wicomb, Suid-Afrikaanse sanger en liedjieskrywer. (* 1949).
• 2016 – Annanias Mathe, Mosambiekse reeksverkragter en gewapende rower (* 1976).
• 2016 – Carrie Fisher, Amerikaanse aktrise (* 1956).