Slag van Nancy
Slag van Nancy | |||||||
---|---|---|---|---|---|---|---|
Deel van die Boergondiese Oorloë | |||||||
Renatus a civibus intra Nanceium exceptus (René neem de stad Nancy in), deur Pierre Jacobi | |||||||
| |||||||
Strydende partye | |||||||
Bevelvoerders | |||||||
Karel die Stoute † | René II | ||||||
Sterkte | |||||||
4000 - 8000 | 10 000 - 12 000 | ||||||
Ongevalle | |||||||
Swaar verliese | Onbekend |
Die Slag van Nancy was 'n veldslag wat op 5 Januarie 1477 naby Nancy, die destydse hoofstad van die Hertogdom Lotaringe, plaasgevind het. Die hertog van Lotaringe, Renatus II, vra die Switserse Bondgenootskap om bystand teen hertog Karel die Stoute van Boergondië wat die hoofstad van Lotaringe onder beleg geplaas het. Die 6000 troepe van die Switserse Bondgenootskap vernietig die 10000 man lëer van hertog Karel van Boergondië. Tydens die geveg is Karel die Stoute dodelik gewond en op die slagveld oorlede. Renatus het die jaar tevore tydens die Slag van Murten die Switserse Bondgenootskap teen Karel die Stoute bygestaan. Dit het die Boergondiërs se pogings om Lotaringe te onderwerp tot 'n einde gebring.
Buiten die feit dat Lotaringe sy onafhanklikheid behou het, is die geveg ook van belang omdat hy die uitbreiding van Boergondië gestuit het. Dit het Frankryk die geleendheid gebied om sy magsposisie teenoor die van sy groot teenstander Boergondië te versterk. Hierna het Frankryk dan ook stelselmatig die voormalige besittings van Boergondië ingepalm, soos Pikardië.