Amerikaanse Vloot
Die Amerikaanse Vloot (Engels: United States Navy, afgekort USN) is die vloot-oorlogvoeringstak van die Amerikaanse Gewapende Magte en een van die sewe uniformdienste van die Verenigde State van Amerika. Dit word beraam om groter te wees as die volgende 13 grootste vlote gekombineer in terme van tonnemaat van gevegsvloot in 2009.[4][5]
Amerikaanse Vloot | |
---|---|
Gestig | 13 Oktober 1775[1][2] |
Land | Verenigde State van Amerika |
Tipe | Vloot |
Vaandel | |
Vlag | |
Hoofkwartier | Pentagon |
Aantal lede | 323 561 aktiewe dienspersoneel[3] 109 117 reserwe personeel[3] 290 skepe[3] 3 700+ vliegtuie 10 vliegdekskepe 9 amfibiese aanvalskepe 10 amfibiese transportdokke 12 doklandingskepe 22 kruisers 62 torpedojaers 11 fregatte 4 kusverdedigingskepe 72 duikbote |
Kommandostruktuur | Vlootdepartement |
Mars | Anchors Aweigh |
Kleur | Blou en Goud |
Veldslae | Amerikaanse Rewolusionêre Oorlog Anglo-Amerikaanse Oorlog van 1812 Meksikaans-Amerikaanse Oorlog Tweede Opiumoorlog Amerikaanse Burgeroorlog Spaans-Amerikaanse Oorlog Eerste Wêreldoorlog Tweede Wêreldoorlog Korea-oorlog Viëtnamoorlog Golfoorlog Irakse Oorlog |
Die Amerikaanse Vloot het ook die wêreld se grootste vliegdekvloot, met tien in diens, twee onder konstruksie,[6] agt beplan, en twee in aktiewe reserwe. Die diens het 317 217 personeel op aktiewe diens en 62 500 in die Vlootreserwemag. Dit bedryf 289 skepe op aktiewe diens en het meer as 3 700 vliegtuie.
Die Amerikaanse Vloot het sy oorsprong uit die Kontinentale Vloot, wat tydens die Amerikaanse Rewolusionêre Oorlog gestig is. Dit het 'n belangrike rol gespeel in die Amerikaanse Burgeroorlog om die Konfederasie te blokkeer, asook met die beslaglegging en beheer van sy riviere. Die vloot het 'n sentrale rol gespeel in die nederlaag van Japan tydens die Tweede Wêreldoorlog.
Die 21ste eeuse Amerikaanse Vloot hou 'n aansienlike internasionale teenwoordigheid, en is ontplooi in gebiede soos Oos-Asië, die Middellandse See, en die Midde Ooste. Dit is 'n blouwatervloot met die vermoë om slaankrag en ondersteuning te bied aan operasies aan al die kusstreke van die wêreld, betrokke te raak in areas tydens vredestyd, en vinnig te reageer op enige plaaslike krisisse. Dít maak van die vloot 'n aktiewe rolspeler in die afdwing van Amerikaanse buitelandse beleid en sy globale verdediging.
Galery
wysig-
USS Port Royal vertrek op ontplooiing uit Pearl Harbor, Hawaii, 3 Sep 2003
-
Amfibiese aanvalsvaartuie van die Amerikaanse Vloot
-
Die VS Vloot se Sea Shadow verskuilde vaartuig
-
USS San Diego (LPD-22) ontvang haar kommissie, 19 Mei 2012
-
USS Virginia keer terug na die General Dynamics Electric skeepwerf
-
USS San Antonio, 'n amfibiese transportdok (29 April 2005)
-
USS John F. Kennedy seil verby die Rots van Gibraltar terwyl dit die Middelandse See verlaat.
-
Vier gestapelde Super Hornets vlieg oor die westelike Stille Oseaan (25 Okt. 2003)
-
Lugwapenordonanse laai 500-pond lasergeleide bomme op 'n wapentros onder aan 'n Grumman F-14 Tomcat.
Verwysings
wysig- ↑ 3,0 3,1 3,2 "Status of the Navy". Navy.mil (in Engels). U.S. Navy. 3 September 2014. Geargiveer vanaf die oorspronklike op 27 April 2020.
- ↑ Gates, Robert M. (Januarie–Februarie 2009). "A Balanced Strategy: Reprogramming the Pentagon for a New Age". Foreign Affairs. Council on Foreign Relations.
{{cite journal}}
: Onbekende parameter|subscription=
geïgnoreer (hulp) - ↑ Gates, Robert M. (17 April 2009). "Speech" (in Engels). Naval War College Newport, Rhode Island. Geargiveer vanaf die oorspronklike op 17 April 2015.
- ↑ Die USS Gerald R. Ford (CVN-78) en die USS John F. Kennedy (CVN-79)
Eksterne skakels
wysigWikimedia Commons het meer media in die kategorie Amerikaanse Vloot.