David Carstens
David Carstens (1914–1955) was ’n Suid-Afrikaanse bokser.[1] By die Olimpiese Spele van 1932 in Los Angeles het hy ’n goue medalje in die ligswaargewigafdeling gewen deur Gino Rossi van Italië in die eindrondte te verslaan.[2]
David Carstens | |
Statistiek | |
---|---|
Geboortenaam | David Krynauw Enslin Carstens |
Gewigklas | Ligswaargewig |
Nasionaliteit | |
Geboorte | September 1914 Strand, Wes-Kaap |
Sterfte | 6 Augustus 1955 Johannesburg |
Houding | Ortodoks |
Boksrekord | |
Totale gevegte | 25 |
Oorwinnings | 11 |
Oorwinnings met uitklophou | 7 |
Verloor | 12 |
Gelykop | 2 |
Geen wedstryd | 0 |
Lewensloop
wysigDavid Krynauw Enslin Carstens is in September 1914 in Strand gebore en was 'n diamantsnyer van beroep.
By die Los Angeles-spele van 1932 was Carstens een van die boksers wat aan 'n spesiale fondsinsamelingstoernooi ter wille van die swemmer Jenny Makaal deelgeneem het, omdat haar ma 'n tweede huisverband moes uitneem om haar dogter se reis na Los Angeles te finansier.
Ná die Olimpiese Spele het hy met gemengde sukses professioneel geboks, wat 'n stryd teen die Duitse IBU-wêreldkampioen Adolf Heuser in Berlyn ingesluit het. In 1933 is hy deur sy spanmaat Eddie Peirce vir die Suid-Afrikaanse titel verslaan. Carstens het uiteindelik van 1932 tot 1939 professioneel geboks. Hy het in totaal 11 oorwinnings, 12 nederlae en 2 gelykop-tellings behaal.
Carstens is op 6 Augustus 1955 in Johannesburg oorlede. Hy was 41 jaar oud.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ databaseOlympics Profile Geargiveer 10 Oktober 2012 op Wayback Machine
Eksterne skakels
wysig- David Carstens Geargiveer 5 Maart 2014 op Wayback Machine op BoxRec.com
- Profiel op strefa.pl