Klaasneuse
Klaasneuse (ook bekend as olifantmuise) is soogdiertjies wat tot die soogdierorde Macroscelidae behoort.
| Klaasneuse | |
|---|---|
| |
| Macroscelides proboscideus | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Infraklas: | |
| Superorde: | |
| Orde: | Macroscelidea |
| Familie: | Macroscelididae |
| Genera | |
Die klaasneuse se taksonomiese posisie binne die plasentale soogdiere was lank onseker. Hulle is as deel van die orde Insectivora beskou, maar later is hulle as deel van die orde Afrosoricida beskou wat tot die superorde Afrotheria behoort. Hulle is nou in hulle eie orde Macroscelidea geplaas wat steeds tot die Afrotheria behoort. [1]
Die orde Macroscelidea is klein en bevat net een familie, die Macroscelididae, met 4 genera en 19 spesies wat in Afrika voorkom. Hulle is goeie springers met agterste ledemate wat baie langer as die die voorste ledemate is. Hulle kan so groot wees as 'n groot rot of eekhoring of so klein as 'n muis. Van die spesies het opvallende kleure.[1] Klaasneuse is nagdiere en vreet veral insekte maar ook vrugte en sade. Hulle het beweeglike snoete, groot oë en ore, en lang, kragtige agterbene. Hulle maak alarm deur met hul agterpote op die grond te rammel.
Sien ook
wysigBronne
wysig- Cillié, Burger. Die Soogdiergids van Suider-Afrika. 2009. ISBN 978-1-875093-46-5
- Rothmann, Anna. Klaasneus-hulle. Kaapstad. Tafelberg, 1975. ISBN 0-624-00479-1
- ↑ 1,0 1,1 "Animal diversity" (in Engels). Geargiveer vanaf die oorspronklike op 22 September 2019. Besoek op 15 Januarie 2017.