Placozoa
Placozoa is ’n basale vorm van ongewerweldes. Hulle het die eenvoudigste struktuur van alle nieparasitiese veelsellige diere. Gewoonlik word net een spesie, Trichoplax adhaerens, erken, hoewel daar genoeg genetiese diversiteit is dat daar moontlik verskeie morfologies eenderse spesies kan wees.[1][2] Placozoa is in 1883 die eerste keer ontdek deur die Duitse dierkundige Franz Eilhard Schulze (1840-1921)[3][4] en sedert die 1970's meer stelselmatig ontleed deur die Duitse protodierkundige, Karl Gottlieb Grell,[5] maar ’n algemene naam bestaan nog nie vir die takson nie; die wetenskaplike naam beteken letterlik "plat diere".[6]
| Placozoa | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Subkoninkryk: | |
| Filum: | Placozoa Grell, 1971
|
Beskrywing
wysigTrichoplax is ’n klein, plat organisme van sowat 1 mm breed. Nes ’n Amoeba het dit geen reëlmatige buitelyn nie, hoewel die onderste oppervlak min of meer gewelf is en die boonste oppervlak altyd plat. Die liggaam bestaan uit ’n laag eenvoudige epiteel (dekweefsel) wat ’n los plaat selle omring. Die epiteelselle het flagella (sweephaartjies), wat die dier gebruik om oor die seebodem te kruip.[4]
Die onderste oppervlak neem klein stukkies organiese materiaal op wat die diertjie eet. Dit plant aseksueel voort deur kleiner individue deur knopvorming te skep, en die onderste oppervlak kan ook eiers deur knopvorming in die mesenchiem (ongedifferensieerde embrioniese weefsel ) afskei.[4]
Verwysings
wysig- ↑ Voigt, O; Collins AG; Pearse VB; Pearse JS; Hadrys H; Ender A (23 November 2004). "Placozoa — no longer a phylum of one" (PDF). Current Biology. 14 (22): R944–5. doi:10.1016/j.cub.2004.10.036. PMID 15556848.
- ↑ Eitel, Michael; Osigus, Hans-Jürgen; DeSalle, Rob; Schierwater, Bernd (2 April 2013). "Global Diversity of the Placozoa". PLoS ONE. 8 (4): e57131. doi:10.1371/journal.pone.0057131.
- ↑ F. E. Schulze "Trichoplax adhaerens n. g., n. s.", Zoologischer Anzeiger (Elsevier, Amsterdam en Jena) 6 (1883), p. 92.
- ↑ 4,0 4,1 4,2 Barnes, Robert D. (1982). Invertebrate Zoology. Philadelphia, PA: Holt-Saunders International. pp. 84–85. ISBN 0-03-056747-5.
- ↑ Grell, K. G. (1971). "Trichoplax adhaerens, F. E. Schulze und die Entstehung der Metazoen". Naturwissenschaftliche Rundschau. 24: 160.
- ↑ Rüdiger Wehner; Walter Gehring (Junie 2007). Zoologie (in German) (24th uitg.). Stuttgart: Thieme. p. 696.
{{cite book}}: Onbekende parameter|lastauthoramp=geïgnoreer (hulp)AS1-onderhoud: onerkende taal (link)
Eksterne skakels
wysigWikispecies het meer inligting verwant aan Placozoa
Wikimedia Commons het meer media in die kategorie Placozoa.
Hierdie artikel is vertaal uit die Engelse Wikipedia