14 Oktober

14 Oktober is die 287ste dag van die jaar in die Gregoriaanse kalender (288ste in skrikkeljare). Daar volg nog 78 dae in die res van die jaar.

Gebeure

Die Slag van Hastings, soos uitgebeeld op die Tapyt van Bayeux

• 1066 – Die Slag van Hastings: Die Normandiese invalsmag van Willem die Veroweraar verslaan die Engelse leër en vermoor Harold Godwinson, die laaste Angel-Saksiese koning van Engeland, by Hastings.
• 1652 – Antonio Pignatelli (later Pous Innocentius XII) word aartsbiskop van Larissa in Thessalië.
• 1828 – Tydens 'n vergadering in Kaapstad word besluit om die Suid-Afrikaanse Kollege (voorloper van die UK en SACS) te stig.
• 1856 – Die NG gemeente Dordrecht is gestig.
• 1899 – Tweede Vryheidsoorlog: Die Beleg van Kimberley begin.
• 1939 – Tweede Wêreldoorlog: Die Duitse duikboot U 47 onder beheer van Kaptein Günther Prien dring Scapa Flow binne en kelder HMS Royal Oak.
• 1947 – Die Amerikaanse vlieënier Chuck Yeager breek deur die klankgrens in die Bell X-1-vliegtuig.
• 1981 – Hosni Mubarak word verkies tot president van Egipte, 'n week ná die sluipmoord op Anwar Sadat.
• 2018 – Pous Paulus VI word deur Pous Franciskus heilig verklaar.

Geboortes

• 1542 – Akbar die Grote, Mogolheersers van Indië († 1605)
• 1630 – Sophia van die Palts, die keurvorstin van Hannover († 1714)
• 1633 – Jakobus II, koning van Engeland († 1701)
• 1639 – Simon van der Stel, Nederlandse ontdekkingsreisiger en goewerneur van die Kaap die Goeie Hoop († 1712)
• 1890 – Dwight D. Eisenhower, generaal in die Amerikaanse Weermag en 34ste President van die Verenigde State († 1969).
• 1906 – Hannah Arendt, Joods-Amerikaanse politieke teoretikus van Duitse afkoms († 1975).
• 1925 – Phillip Tobias, Suid-Afrikaanse paleontoloog († 2012).
• 1927 – Roger Moore, Engelse akteur († 2017).
• 1937 – Marinus Wiechers, Suid-Afrikaanse regsman en grondwetkenner († 2018).
• 1938 – Edward George Hudson Oliver, Suid-Afrikaanse Plantkundige en skrywer
• 1965 – Karyn White, Amerikaanse sangeres.
• 1973 – George Floyd († 2020).
• 1984 – Amalia Uys, Suid-Afrikaanse aktrise, San-Mari in 7de Laan.
• 1989 – Albert de Wet, Afrikaanse sanger.

Sterftes

• 222 – Pous Callixtus I, 16de pous van die Rooms-Katolieke Kerk (* 155).
• 530 – Teenpous Dioscurus (* onbekend).
• 1066 – Harold Godwinson, koning van Engeland (* ±1022).
• 1423 – Frederik van Blankenheim, biskop van Utrecht.
• 1536 – Garcilaso de la Vega, Spaanse soldaat en digter (* 1501).
• 1940 – Anje Hendriks Strik, ma van Hendrik Frensch Verwoerd (* 1873).
• 1951 – Herman Charles Bosman, Suid-Afrikaanse skrywer bekend vir sy stories van oom Schalk Lourens van die Groot Marico (* 1905).
• 1956 – Margaret Joslin, Amerikaanse aktrise (* 1883).
• 1965 – Attie van Heerden, Suid-Afrikaanse Olimpiese atleet en rugbyspeler (* 1898).
• 1977 – Bing Crosby, Amerikaanse akteur en sanger (* 1903)
• 2015 – Francois van Heyningen, Suid-Afrikaanse akteur, sanger, skrywer en radio-omroeper (* 1935).
• 2015 – Ahmed Kérékou, Beninse politikus en twee keer president van dié land (* 1933).
• 2016 – Kathryn Adams Doty, Amerikaanse akteur (* 1920).

Vakansies, vierings, en gedenkdae

• Feesdag van Pous Callixtus I van die Rooms-Katolieke Kerk.