Ophioneus
De Ophioneus (altgriech. Ὀφιονεύς, "Schlangemaa") isch e blinde Woorseger im Erste Messenische Chrieg gsii. Er dörst nöd historisch sii.
Nochem Tood vom messenische König Euphaes isch de Aristodemos zom noie König gwäält wore, obwoll di beede Woorseger Epebolos und Ophioneus gfunde hend, de sai nöd würdig, vor alem drumm, well de sini aigni Töchter töödt ghaa hett.
De Ophioneus hett d Eroberig vo de messenische Festig Ithome vorusgsie, denn doozmool hend vili schlechti Vorzaiche d Messenier untmuetigt. De Ophioneus hett plötzlich starchs Chopfwee öberchoo und zunderainisch afange gsie, obwoll er blind uf d Welt choo isch. Noch e paar Tääg isch er wider blind wore und da isch ai vo dene schlechte Vorzaiche gsii, wo s Orakel uufzellt hett.
Quelle
ändere- Pausanias: Raise z Griecheland 4.10.5f.; 12.10; 13.3
Literatur
ändere- Joseph Eddy Fontenrose: The Delphic Oracle. University of California Press (1978). ISBN 0-520-03360-4. S. 105, 107