Mittlerè Schwarzwald

Als Mittlerè Schwarzwald bezeichnèt mò, je nõch nadur- odder kulturrûûmlicher Glyderig (luèg dõdezuè: Schwarzwald), meischtens dè intensyv zerfurchtè Abschnitt vom Renchdal un dè Sûûduusläufer vom Knybis im Nordè bis uugfäär Fryburg im Briisgau un Donaueschingè im Sûûdè. Dè högschste Deil sûdöschtlich vom Elzdal gildet ebbèso als Deil vom Hochschwarzwald. S beherrschende Dalsischteem vo dè Kinzig durchschnydet dè Mittlere Schwarzwald vo Oscht nõch Wescht. Markanti Büggel sin sûdlich vo dè Kinzig Kandèl (1.241 m), Wyßdannèhöchi (1.190 m), Obberegg (1.177 m), Roorhardsbärg (1.152 m), Bränd (1.149 m), Stögglewald (1.067 m), Mooswaldchopf (887 m) un, nördlich vo dè Kinzig, Brandèchopf (945 m) un Lettschtädter Höchi (960 m).

Tûpischi Landschaft i dè Nôchi vom Kinzigdal: Bligg übber Welschèschteinach zum Brandèchopf (945 m)

Dè Kandèl (1241 m) von NW (Hochburg)

Geologisch übberwiged Gneis un Granit. Anderschd als im Nordschwarzwald isch d Buntsandschtei-Deggi mit irè plateauartigè Bärgformè nu no punktuèll un am Oschtrand erhaaltè blibbè. Suscht herrsched schmali Bärgruggè un Dalsollè vòr odder, vo allem im Sûûdoschtè odder abber bi inselartigè Reschtè, mit Högèr durchzogeni Hòchdäler.

Diè mittleri Höchi vom Mittlerè Schwarzwald isch öppis gringer als im Nord- un im Sûûschwarzwald. Diè relativi Höchè sin abber ähnlich; Steilhäng könned 700 Metèr übberschtygè (Simonswälder Dal).

Bedütendi Deillandschaftè un Nadurdenkmôler

• Glotterdal (bekannt uss dè Fernsehsendig D Schwarzwaldklinik)
• Elzdal
• Simonswälder Dal, gformt vo dè Wildè Guètach
• Berneggdal, Schlucht vo dè oberè Schiltach
• Koschtgfällschlucht
• Tribärger Wasserfäll
• Zweribachwasserfäll
• Burgbachwasserfall
• Glaswaldsee unter dè Lettschtädter Höchi

Bedütendi Ortschaftè un Kulturdenkmôler

• Freilichtmuseum Vogtsbuèrèhöf
• Dütsches Uurèmuseum z Furtwangè
• Fachwärkschtädt Schiltach un Haslach im Kinzigdal
• Wolfach Glashüttè un Altschtadt
• Gengèbach ehemòls freyi Reichsschtadt (Altschtadt mit Kloschter un Stadtbefeschtigung)
• Alpirsbach romanischs Kloschter (Bau aagfangè um 1050), eins vo dè wennigè erhaaltenè im Hirsauer Styl
• Zell am Harmersbach ehemòls kleinschti Freyi Reichsschtadt im Heiligè Römischè Rych, Fachwärk un Jugendschtyl
• Schramberg bedütendi Induschtryschtadt im mittlerè Schwarzwald
• Kloschter St. Peter mit èrè barockè Bibliothek un Kloschterkirchè
• Villingè-Schwenningè, gröschti Stadt am Oschtrand vom Mittlerè Schwarzwald
• Triberg mit sim Wasserfall un èm Schwarzwälder Heimetmuseum
• St. Gorgè mit èm Phonomuseum

Wanderwäg

• Hansjakobwäg I (Rundwäg 3 Dääg)
• Hansjakobwäg II (Rundwäg 4 Dääg)
• Schwarzwald-Querwäg Rottwyl-laar (4 Dääg)
• Schwarzwald-Querwäg Gengèbach-Alpirsbach (2–3 Dääg)
• Mittelwäg
• Oschtwäg (Fèrnwanderschtreggi)
• Weschtwäg (Fèrnwanderschtreggi)
• Kandèlhöhèwäg (5 Dääg)
• Zweidälerschteig (Fèrnwanderschtreggi 5 Dääg)

Weblinggs

 Commons: Landschaftsuffnaamè vom Mittlerè Schwarzwald – Sammlig vo Multimediadateie

Dä Artikel basiert uff ere fräie Übersetzig vum Artikel „Mittlerer_Schwarzwald“ vu de dütsche Wikipedia. E Liste vu de Autore un Versione isch do z finde.