Sabine Kurtz

Dialäkt: Undermarkgreflerisch

D Sabine Kurtz (* 8. Augschte 1961 z Bad Hersfeld) isch e dytschi Bolitikeri (CDU) un syt 2006 Mitglid vum Landdag vu Bade-Wirttebärg. Syt em 25. April 2018 isch si Vizebresidänti vum Landdag.

Uusbildig un Beruef

Si het z Bad Hersfeld Abitur gmacht un derno an dr in Universitet Fryburg Bolitikwisseschaft, Germanischtik un Romanischtik Ai Johr lang isch si im Studium as Muetersprochligi Assischtänti an dr Uni Stroßburi gsii. Anne 1986 het si s erscht Staatsexame gmacht un 1987 dr Magister Artium. Derno het si vu 1987 bis 1989 e Volontariat in ere Agäntur fir Brässe- un Effetligkaitsarbet gmacht un derno dert au gschafft. Vu 1989 bis 1990 het si as Referänti vum Landdagsabgordnete Franz Longin gschafft. Vu 1991 bis 1992 un nomol vu 1998 bis 2002 isch si barlemäntarischi Beroteri vu dr bade-wirttebärgische CDU-Landdagsfraktion gsii. Vu 1993 bis 1997 het si derzwische as wisseschaftligi Mitarbaiteri vum Bundesdagsabgordneten Hans-Peter Repnik gschafft un vu 2002 bis 2006 as Referänti im Staatsminischterium Bade- Wirttebärg.

Bolitik

D Sabine Kurtz isch syter anne 1990 Mitglid vu dr CDU. Vu 2003 bis 2017 isch si Vorsitzeri vum CDU-Stadtverband Leabärg gsii un syt 2011 isch si Mitglid im Vorstand vu dr CDU-Landdagsfraktion. Vu 2012 bis 2018 isch si Landesvorsitzeri vum Evangelische Arbetschrais (EAK) vu dr CDU Bade-Wirttebärg gsii. Syt 2015 isch si stellverdrättendi Bundesvorsitzeri vum EAK.

Bi dr Landdagswahle 2006 un 2011 isch si ibers Diräktmandat im Wahlchrais Leabärg in Landdag gwehlt wore. Bi dr Wahl 2016 het si s Diräktmandat an di Griene verlore un isch iber e Zwaitmandat in Landdag yyzoge. Im Landdag isch si Mitglid im Ständige Uusschuss, im Uusschuss fir Kultus, Juged un Sport, im Uusschuss fir Wisseschaft, Forschig un Chunscht, im Uusschuss no Artikel 62 vu dr Verfassig (Notbarlemänt). Derzue isch si Vorsitzeri im Untersuechigsuusschuss „Zulagen Ludwigsburg“. Stellverdrättend Mitglid isch si im Uusschuss fir Finanze, im Uusschuss fir Sozials un Integration, im Uusschuss fir Ländlige Ruum un Verbruucherschutz, im Uusschuss fir Verchehr, im Uusschuss fir Inners, Digitalisierig un Migration, im Uusschuss fir Umwält, Klima un Energywirtschaft, im im Uusschuss fir Wirtschaft, Arbet un Wohnigsböu, im Uusschuss fir Europa un Internationals un im Petitionsuusschuss. Vu 2006 bis 2011 isch si jugedbolitischi Sprächeri vu ihre Bartei gsii un vu 2013 bis April 2018 Sprächeri fir Wisseschaft, Forschig un Chunscht gsii.

Sunschtigs Engaschmänt

• Mitglid im Kuratorium vu dr Chunschtstiftig Bade-Wirttebärg gGmbH
• Mitglid im Verwaltigsrot vu dr Wirttebärgische Staatstheater Stuegert
• Mitglid im Kuratorium vu dr Landeszentrale für politische Bildung Baden- Württemberg
• Mitglid im Byrot vum Theaterhaus Stuttgart e. V.
• Stellverdrättendi Vorsitzeri vum Drregerverain vu dr Landesakademie für Jugendbildung, Weil der Stadt.
• Mitglid im Ufsichtsrot vu dr MFG Medien- und Filmgesellschaft Baden-Württemberg mbH
• Mitglid vum Rundfunkrot vum Sidweschtrundfunk.

Privats

D Sabine Kurtz isch evangelisch un syt 1987 ghyrote. Si het zwoo Dechtere un e Suhn.

Weblink

• Websyte vu dr Sabine Kurtz
• Abgordneteprofil bim Landdag Bade-Wirttebärg in dr 16. Wahlperiod
• Profilsyte bi dr CDU Landdagsfraktion
• Sabine Kurtz uf abgeordnetenwatch.de