Prince

Dr Prince (* 7. Juni 1958 z Minneapolis, Minnesota as Prince Rogers Nelson; † 21. April 2016 z Chanhassen, Minnesota) isch en US-amerikanische Sänger, Kompenischt, Songwriter, Musikproduzänt un Multiinschtrumäntalischt gsii.

dr Prince im Jahr 2009

Iberblick

Dr Prince het syter anne 1978 im Musikgschäft gschafft. Vor allem in dr 1980er Johr het er e große Yyfluss ghaa uf di international Musikszene, indem er unterschidligi Musikgenre mitenander kombiniert het. Di stilistisch Spannbraiti vu syre Musik isch vu R&B, Funk, Soul, Pop un Rock iber Blues bis zum Jazz gange. Syni Liedtäxt het er sälber gschribe, derzue het er si sälber kompeniert, arranschiert un produziert. Är het e Huffe Inschtrumänt gspiilt, wie Gitarre, E-Bass, Klavier, Keyboard un Schlagzyg. Bi dr maischte vu syne Studioufnahme het er alli Inschtrumänt sälber gspiilt.

Dr international Durbruch het dr Prince anne 1984 mit em Film, dr Single un em Album Purple Rain gschafft. Är het wältwyt iber 100 Millione Tondreger verchauft un het sibe Grammy Award, 1985 en Oscar un 2007 e Golden Globe Award gwunne. 2004 isch er in d Rock and Roll Hall of Fame ufgnuu wore.

Syt dr 1990er Johr het dr Prince entschiden fir d Rächt an sym gaischte Aigetum gfochte, unter anderem mit sym Widerstand gege Schallplattefirme. Wäge Differänze mit syre domolige Plattefirma Warner Bros. Records het dr Prince vu 1993 bis 2000 sy Chinschtlernamen abglait. Um des Zyt het er statt däm e Symbol as Pseudonym drait un isch vylmol „The Artist Formerly Known As Prince“ (Dr Chinschtler, wu friejer bekannt gsii isch as Prince) gnännt wore. Noch em Verdragsänd mit Warner Bros. Records het er si ab Mai 2000 wider Prince gnännt.

Aafangs 21. Johrhundert het si dr Prince allmee vu dr Musikinduschtry abgränzt un het uukonventionälli Verdribskanäö fir syni Tondreger brucht. E Dail vu syne Albe het mer zytwys nume iber s Internet oder as Bylag vu Zytige iberchuu. Im April 2014 hän Warner Bros. Records un dr Prince e Verdrag unterzaichnet, wu em Musiker d Urheberrächt an syne Lieder gsicheret het. Är isch am 21. April 2016 im Alter vu 57 Johr gstorbe.

Diskografy

Studioalbe

1978: For You 1979: Prince 1980: Dirty Mind 1981: Controversy 1982: 1999 1984: Purple Rain 1985: Around the World in a Day 1986: Parade 1987: Sign o’ the Times 1988: Lovesexy 1989: Batman

1990: Graffiti Bridge 1991: Diamonds and Pearls 1992: Love Symbol 1994: Come 1994: Black Album 1995: The Gold Experience 1996: Chaos and Disorder 1996: Emancipation 1998: Crystal Ball / The Truth 1999: The Vault … Old Friends 4 Sale 1999: Rave Un2 the Joy Fantastic

2001: The Rainbow Children 2003: N.E.W.S 2004: Musicology 2006: 3121 2007: Planet Earth 2009: Lotusflow3r / MPLSound / Elixer 2010: 20Ten 2014: PlectrumElectrum 2014: Art Official Age 2015: HITnRUN Phase One 2015: HITnRUN Phase Two

Kompilatione un Live-Albe (Uuswahl)

• 1993: The Hits/The B-Sides
• 1993: TThe Hits 1
• 1993: The Hits 2
• 2001: The Very Best of Prince
• 2002: One Nite Alone … Live!
• 2006: Ultimate
• 2008: Indigo Nights

Literatur

• Jake Brown: Prince In The Studio (1975–1995). Colossus Books, Phoenix 2010, ISBN 978-0-9790976-6-9, OCLC 276814904.
• Jason Draper: Chaos, Disorder, And Revolution. Backbeat Books, New York 2011, ISBN 978-0-87930-961-9, OCLC 664668943.
• Jason Draper: Prince – Life & Times. Jawbone Press, London 2008, ISBN 978-1-906002-18-3, OCLC 298552523.
• Jon Ewing: Prince – CD Books: Carlton Books, Rastatt 1994, ISBN 3-8118-3986-1, OCLC 75552811.
• Alex Hahn: Besessen – Das turbulente Leben von Prince. Hannibal, Höfen 2006, ISBN 3-85445-262-4, OCLC 163398818.
• Dave Hill: Prince – A Pop Life. Droemer Knaur, München 1989, ISBN 3-426-04036-0, OCLC 75121330.
• Roland Mischke: Vom Nobody zum Pop-Prinzen. Gustav Lübbe Verlag, Bergisch Gladbach 1989, ISBN 3-404-61157-8, OCLC 24826787.
• Per Nilsen: DanceMusicSexRomance – Prince: The First Decade. Firefly Publishing, London 1999, ISBN 0-946719-23-3, OCLC 40610683.
• Ronin Ro: Prince – Inside The Music And The Masks. St. Martin’s Press, New York 2011, ISBN 978-0-312-38300-8, OCLC 428027211.
• Jürgen Seibold: Prince. Verlagsunion Erich Pabel-Arthur Moewig, Rastatt 1991, ISBN 3-8118-3078-3, OCLC 312007112.
• Matt Thorne: Prince. Faber and Faber, London 2012, ISBN 978-0-571-27349-2, OCLC 794814748.
• Touré: I Would Die 4 U – Why Prince Became an Icon. Atria Books, New York 2013, ISBN 978-1-4767-0549-1, OCLC 829784300.
• Uptown: The Vault – The Definitive Guide to the Musical World of Prince. Nilsen Publishing, Linköping 2004, ISBN 91-631-5482-X, OCLC 186521364.

Weblink

 Commons: Prince – Sammlig vo Multimediadateie

• Prince in dr Internet Movie Database
• Prince bi Discogs (änglisch)

Fueßnote

Dä Artikel basiert uff ere fräie Übersetzig vum Artikel „Prince“ vu de dütsche Wikipedia. E Liste vu de Autore un Versione isch do z finde.