Thomas Marwein

Dialäkt: Undermarkgreflerisch

Dr Thomas Marwein (* 10. Juni 1958 z Raschti) isch e dytsche Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.

Uusbildig un Beruef

Dr Thomas Marwein isch z Achern un z Binzen uf d Grundschuel un derno uf d Theodor-Heuss-Realschuel z Löörech gange. No dr Schuel het er e Lehr zum Vermässigstächniker bim Staatlige Vermässigsamt z Löörech gmacht. Derno het er d Fachhochschuelryfi uf em zweete Bidligswäg gmacht un sy Wehrdienscht bi dr Bundeswehr glaischtet. An dr Fachhochschuel Charlsrue het er Böuingenieurwäse studiert un mit as Diplom-Ingenieur abgschlosse. Ab em Novämber 1984 het er im Offeburger Amt für Wasserwirtschaft (hit Gewässerdirektion Südlicher Oberrhein/Hochrhein) un ab 2005 im Amt für Wasserwirtschaft und Bodenschutz vum Ortenaukrais gschafft.

Bolitischi Laufbahn

Dr Marwein isch anne 1984 Mitglid vu dr Griene wore. Sy erscht bolitisch Amt isch e Mandat im Gmaindsrot vu Rhystette un im Kraisdag vum Landkrais Charlsrue anne 1984 gsii. Vu 1989 bis 2004 isch er Miglid im Kraisdag vum Kreistag Ortenaukrais gsii. Dert isch er zeh Johr lang im Umwält- un Tächnikuusschuss, in dr Nooverchehrskommission, im TGO-Byrot un fimf Johr lang im Chrankehuusuusschuss gsii. Vu 1997 bis 2011 isch er Mitglid im Gmaindsrot vu dr Stadt Offeburg gsii. Dert isch er Mitglid im Tächnischen Uusschuss, im Blanigs,- Umwält- un Verchehrsuusschuss un im Gmainsamen Uusschuss gsii.

Syt 2007 isch er Mitglid im Vorstand vum griene Ortsverband z Offeburg un syt Oktober 2011 stellverdrättend Mitglid im Länderdrot vu dr Griene.

Bi dr Bundesdagswahle 2005 un 2009 isch er Kandidat vu dr Griene im Wahlkrais Offeburg gsii, isch aber nit gwehlt wore. Au bi dr Landdagswahle 1996 un 2006 het kandidiert.

Bi dr Landdagswahl z Bade-Wirttebärg 2011 isch er mit 26,5 % vu dr Stimme iber s Zwaitmandat im Wahlkrais Offeburg in dr Landdag vu Bade-Wirttebärg gwehlt wore. Är het derno sy Mandat im Gmaindsrot vu Offeburg niderglait. Im Landdag isch er Mitglid im Uusschuss fir Umwält, Klima un Energywirtschaft, im Verchehrs- un Infrastrukturuusschuss un im Petitionsuusschuss, derzue stellverdrättend Mitglid im Ständigen Uusschuss, Bildigs- un Europuusschuss un im Uusschuss fir dr ländlig Ruum sowie im Ausschuss für den ländlichen Raum. Är isch umwält- un lärmbolitische Sprächer vu dr Landdagsfraktion un Sprächer fir Mobilfunk.

Sunschtigs Engaschmänt

Mitglid im Ufsichtsrot vu dr Stadtbau/Wohnbau GmbH Offenburg (syt 1997)
Mitglid bim Zweckverband Weingut Schloss Ortenberg (syt 1997)
Mitglid im Verkehrsclub Deutschland e. V. (VCD)
Mitglid im Allgemeinen Deutscher Fahrrad-Club e. V. (ADFC)
'Bienenpate' bi Melifera e. V.
Mitglid in dr Verbraucherzentrale Baden-Württemberg
Mitglid im Bund der Technischen Beamten Baden-Württemberg (BTB)

Persenligs

Dr Thomas Marwein isch evangelisch. Är isch ghyrote un het drei Chinder.

Weblink

Commons: Thomas Marwein – Sammlig vo Multimediadateie