Tour Down Under: Unterschid zwische dr Versione

Tour Down Under
Tour Down Under 2007
Uusdragigsland	Australien Australie
Uusdragigszytruum	Jänner
Ränntyp	Etapperänne
Erschti Uflag	1999
Erschte Siiger	Flagge Australiens Stuart O’Grady
Rekordsiiger	Je 2 Siig: Flagge Australiens Stuart O’Grady Flagge Deutschlands André Greipel

D Tour Down Under isch e Radränne im auschtralische Bundesstaat South Australia um d Hauptstadt Adelaide. Des Etapperänne ghert syt 2008 zue dr anne 2005 nej yygfierte UCI ProTour, dr Serie vu dr wichtigschte Radränne im Johr. S isch in d Kategorii 2.HC yygstapflet un ghert syt 2005 zue dr UCI Oceania Tour.

D Rundfahrt isch anne 1999 zem erschte Mol uusdrait wore. un findet alljohr Mitti Jänner statt. Si isch vu dr Tourismuskommission vu South Australia ins Läbe gruefe wore go dr Bundesstaat im Uusland represäntiere un isch s einzig wichtig Profiradränne z Auschtralie. Vili europäischi Mannschafte nutze d Tour Down Under as Vorbereitig fir d Saison, wu im März mit Paris-Nizza un Tirreno-Adriatico aafangt, wel z Europa no Winter isch, derwylscht d Fahrer vu dr auschtralische Team im Hochsummer uf dr Sidhalbchugle in Top-Form sin. D Tour Down Under stoht alljohr im Mittelpunkt vum "Festival of Cycling",ere Veraastaltigsreihe,wu s sich z South Australia alles um s Fahrrad drillt. Wel s bi däm Ränne keini greßere Aastig git, gwinne vilmol reini Sprinter oder Uusrysser. Rekordsiiger sin dr Auschtralier Stuart O'Grady un dr Dytsch André Greipel, wu s bedi zweimol gwunne hän. Dr einzig Siiger us dr Schwyz isch dr Martin Elmiger 2007 gsi.

Siigerlischt

1999: Flagge Australiens Stuart O’Grady 2000: Flagge Frankreichs Gilles Maignan 2001: Flagge Australiens Stuart O’Grady 2002: Flagge Australiens Michael Rogers 2003: Flagge Spaniens Mikel Astarloza

2004: Flagge Australiens Patrick Jonker 2005: Flagge Spaniens Luis León Sánchez Gil 2006: Flagge Australiens Simon Gerrans 2007: Flagge der Schweiz Martin Elmiger

2008: Flagge Deutschlands André Greipel 2009: Flagge Australiens Allan Davis 2010: Flagge Deutschlands André Greipel 2011: Australien Cameron Meyer

Weblink

 Commons: Tour Down Under – Sammlig vo Multimediadateie

• Offiziälli Websyte
• Tour Down Under in dr Datebank vu Radsportseiten.net