Diferencia entre revisiones de «Imperio Britanico»

As arias en color rosa indican os territorios que en un inte u atro han feito parti d'o Imperio Britanico a traviés d'a historia.

Bandera d'o Imperio britanico.

Se conoixe como Imperio britanico a las tierras que pendeban politica y economicament d'a Gran Bretanya. O momento de mayor importancia d'o Imperio estió a prencipios d'o sieglo XX, probablement entre 1890 y 1910, quan teneba una población d'entre 400 y 500 millons de presonas y bells 33 millons de kilometros quadratos, lo que significaba alto u baixo una quarta parti d'a población mundial y dos cinquenas partis d'as tierras emerchitas.

O Imperio se desarrolló mientres uns 300 anyos, a traviés d'una serie de fases relacionatas con o comercio, a colonización y a conquista en las que estendilló as suyas mugas, antimás de periodos d'actividat diplomatica.

Gracias a lo Imperio britanico a tecnolochía, o comercio, o idioma anglés y o gubierno britanicos s'esbandioron por tot o mundo. A hechemonía imperial contribuyó a lo espectacular creiximiento economico de Gran Bretanya y a lo peso d'os suyos intreses en o scenario mundial.

O primero en emplegar a expresión "Imperio britanico" estió lo doctor John Dee, astrologo, alquimista y matematico d'a reina Isabel I d'Anglaterra.

Bells territorios que han feito parti d'o Imperio britanico son: Irlanda, Estatos Unitos, Canadá, Chamaica, Australia, Nueva Zelanda, India, Malaisia, Echipto, Surafrica, Nicheria, Camerún, Kenia, Hong Kong, Iraq, Chipre, Chibraltar u Menorca entre muitos atros. Hue en día bells d'istos territorios, ya independients, reconoixen os suyos lazos con Gran Bretanya a traviés d'a Commonwealth. Plantilla:Destacato Plantilla:Destacato