1.500 metros lisos en os Chuegos Olimpicos d'Atenas 1896

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estactua en Berwick, Victoria en memoria de Teddy Flack, ganador d'a preba.

Os 1500 metros lisos en os Chuegos Olimpicos d'Atenas 1896 estió una cursa que estió parte d'o programa de l'atletismo en os Chuegos Olimpicos d'Atenas 1896. ISta preba ye una cursa en a que s'han de fer una distancia de 1.500 metros, libres d'obstaclos, o mes rapido posible. Estió a cursa en pista de mas largaria d'istos Chuegos y se fació en o Estadio Panathinaiko estando a zaguera preba d'o segundo diya de competición.

En estar a primera vegada que se feba ista cursa en ista distancia en unos Chuegos Olimpicos o ganador, Teddy Flack, establió o primer récord olimpico d'a preba.

Medallero

Oro	Archent	Bronce
Teddy Flack OR	Arthur Blake	Albin Lermusiaux

Formato de competición

O sistema ta disputar-la fue de final directa, no habió fase de clasificación y os ueito inscritos en a preba disputoron la final. Os atletas dioron un poquet mas de 4 voltas y meya pa completar a distancia en tener lo estadio Panathinaiko 330 metros de cuerda.

Desembolique d'a cursa

En a cursa o francés Albin Lermusiaux fue o primer en imposar un fuerte ritmo en a tercera volta, aconsiguiendo avantalla con o resto de partecipants, pero antis de terminar, en a zaguera volta li superoron l'australián Teddy Flack y o estausunidense Arthur Blake, que yera o favorito, ganando l'australián en un disputau final, con o estausnidense en a segunda posición y o francés en a tercera, ganando as respectives medallas cadagún. Cuatreno fue Carl Galle y os cuatre atletas griegos os cuatre zaguers con tiempos desconoixius, y os d'os zaguers con a suya posición también desconoixida. Cal destacar que en estar a primera cursa olimpica en ista distancia o ganador establió o primer récord olimpico d'a preba.

Clasificación

OR = Récord olimpico (Olympic Record).

Posición	Atleta	País	Tiempo
1	Teddy Flack	Australia	4:33.2 OR
2	Arthur Blake	Estaus Unius	4:33.6
3	Albin Lermusiaux	Francia	4:36.0
4	Carl Galle	Alemania	4:39.0
5	Angelos Fetsis	Grecia	Desconoixiu
6	Dimitrios Golemis	Grecia	Desconoixiu
7-8	Konstantinos Karakatsanis	Grecia	Desconoixiu
7-8	Dimitrios Tombrof	Grecia	Desconoixiu

Vinclos externos

(en) Os 1.500 metros lisos en os Chuegos Olimpicos d'Atenas 1896 en sports-reference.com.

1.500 metros lisos en os Chuegos Olimpicos
Edicions: Atenas 1896 \| París 1900 \| Saint Louis 1904 \| Londres 1908 \| Estocolmo 1912 \| Anvers 1920 \| París 1924 \| Amsterdam 1928 \| Los Angeles 1932 \| Berlín 1936 \| Londres 1948 \| Helsinki 1952 \| Melbourne/Estocolmo 1956 \| Roma 1960 \| Tokio 1964 \| Mexico 1968 \| Múnich 1972 \| Mont-reyal 1976 \| Moscú 1980 \| Los Angeles 1984 \| Seúl 1988 \| Barcelona 1992 \| Atlanta 1996 \| Sydney 2000 \| Atenas 2004 \| Pekín 2008 \| Londres 2012 \| Rio de Janeiro 2016 \| París 2024 \|
Prebas d'atletismo en os Chuegos Olimpicos
Prebas: 100 metros lisos \| 200 metros lisos \| 400 metros lisos \| 800 metros lisos \| 1.500 metros lisos \| 3.000 metros lisos \| 5.000 metros lisos \| 10.000 metros lisos \| Maratón \| 60 metros cletas \| 100 metros cletas \| 110 metros cletas \| 400 metros cletas \| 3.000 metros obstaclos \| Brinco de largaria \| Brinco d'altaria \| Triple brinco \| Brinco con percha \| Tirada de peso \| Tirada de disco \| Tirada de chavalina \| Tirada de martiello \| Pentatlón \| Heptatlón \| Decatlón \| Relevos 4x100 \| Relevos 4x400 \| 5.000 metros marcha \| 10 km marcha \| 20 km marcha \| 35 km marcha \| 50 km marcha \|

Datos: Q740261