Badía de Sydney
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Bahía de Sídney Sydney Harbour / Port Jackson | |
Localización administrativa | |
---|---|
Estau | |
Cheografía | |
Oceano | Oceano Pacifico |
Mar | Mar de Tasmania |
Continents | Ocianía |
Islas interiors | Clark, Shark, Goat, Fort Denison |
Ríos que i cayen | Parramatta, Lane Cove, Middle Harbour |
Superficie | 55 km² |
Largaria maxima | 19 km |
Mapa | |
A badía de Sydney (en anglés Sydney Harbour), tamién conoixida como Port Jackson, ye un puerto natural arredol d'o que ye l'aria urbana de Sydney. A badía ye una dentrada d'a mar de Tasmania (parti de l'Oceano Pacifico Sud). Aquí se troban a Opera de Sydney y o puent d'a badía de Sydney. Localización d'o primer asentamiento europeu en Australia, Port Jackson ha chugau continament un papel prencipal en a historia y o desenvolique de Sydney.
A-saber-los eventos tienen a suya base en u arredol d'a badía, especialment as celebracions de cabo d'anyo de Sydney y o puesto de salida d'a cursa de vela de Sydney ta Hobart.
As auguas de Port Jackson son chestionadas por Roads & Maritime Services. O Parque Nacional d'a Badía de Sydney proteche un gran numero d'islas, zonas costeras, puestos de banyo, camins ta fer senderismo y arias de picnic.[1]
Cheografía
[editar | modificar o codigo]Cheolochicament, a badía de Sydney ye una val afogada u ría. Tien 19 km de largaria con una superficie de 55 km². O volumen d'o estuario ye de bels 562 millons de metros cubicos. O suyo perimetro ye de 317 kilometros.
D'alcuerdo con a Oficina Cheografica de Toponimos de Nueva Galas d'o Sud, Port Jackson ye "un puerto que comprende todas as auguas aintro d'a linia imachinaria entre North Head y South Head. En iste puerto se troban incluyius North Harbour, Middle Harbour y Sydney Harbour."[2]
Port Jackson s'estendilla enta l'ueste dende a suya unica entrada conoixida como Sydney Heads (North y South Heads) y incluye todas as auguas marinas entre North Harbour, Middle Harbour, Sydney Harbour, Darling Harbour, o río Parramatta y o río Lane Cove.[3]
O puerto ye dividiu en muitas badías mas chicotas. As badías d'a parti sud tienden a estar mas amplas y redondiadas, mientres que as d'o norte son cheneralment mas estreitas. Muitas d'istas badías incluyen plachas. O centro d'afers de Sydney s'estendilla dende Circular Quay.
Se veiga tamién
[editar | modificar o codigo]Referencias
[editar | modificar o codigo]- ↑ (en) NSW Office of Heritage and Environment
- ↑ (en) "Port Jackson". Geographical Names Register (GNR) of NSW. Geographical Names Board of New South Wales..
- ↑ (en) Mapa de Port Jackson publicau en agosto de 1972 por RAN Hydrographic Services.