Pardina de l'Artosa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A pardina de l'Artosa (en castellano pardina de Lartosa) ye una pardina situada baixo as auguas de l'entibo de Búbal, debant d'o lugar de Saqués, en o municipio de Biescas (Alto Galligo).

Pardina de l'Artosa Pardina de Lartosa
Pardina d'Aragón
Ruinas de l'Artosa
Entidat  • País  • Provincia  • Comarca  • Municipio	Pardina  Aragón  Uesca Alto Galligo Biescas
Partiu chudicial	Chaca
Población  • Total	0 hab. (2020)
Altaria  • Meyana	1063 m.
Codigo postal	22630
Parroquial  • Diocesi  • Arcipestrau	Chaca Biescas
Coordenadas	42°42’ 9’’N 0°18’46’’U
Pardina de l'Artosa Pardina de l'Artosa en Aragón

O lugar yera formau por una ilesia romanica d'una sola nau adedicada a Santa María y a pardina, situadas a bels 300 metros d'o puesto a on desembocaba o barranco de Gorgol en o Galligo.

Toponimia

Como o suyo propio nombre indica, una artosa ye un "puesto con artos".

Historia

Apareixe por primera vegada en un documento relacionau con o monesterio de Sant Chuan d'a Penya o 22 de chunio de 1394, en o que o propio monesterio atreuda a Raimundo de l'Artosa, a suya filla y os suyos descencients a ilesia de Santa María de l'Artosa y a casa chunto a la ilesia. Perteneixeba a o priorato de Cercito, a on heba de bosar os treudos.

Administrativament l'Artosa perteneixeba a lo concello de Tramacastiella, pero ya en o sieglo XV os vecins de Saqués demandoron un dreito de vecindat que les permitiba d'emplegar o molín y levar a paixentar a lo bestiar a los monts de Tramacastiella. Tamién a electricidat a preneban d'a pardina dica que se construyó a central d'Escarriella.

En 1845 Pascual Madoz contabiliza nomás una casa que incluyiba un molín farinero. Ya en zaguerías d'a decada de 1920 bi habió un grieu incendio en a casa y a ilesia que fue reconstruyida poco dimpués. Dende l'anyo 1969 se troba baixo as auguas de l'entibo de Búbal.

O labrador y ganadero Pedro Arruebo (Tramacastiella de Tena, 1608), conoixiu por haber estau chuzgau por bruixería por o Tribunal d'a Enquisición de Zaragoza entre os anyos 1635 y 1640, estió logatario d'a pardina de l'Artosa.

Vinclos externos

• (es) A pardina de L'Artosa
• (es) En www.despobladosenhuesca.com

• Datos: Q106977142