Steven Spielberg
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Steven Allan Spielberg, naixito de Cincinnati (Ohio, Estaus Unius) o 18 d'aviento de 1946, ye un director cinematografico, productor y guionista estausunidense, activo en o cine estausunidense dende primerías d'os anyos 1960, ye uno d'os directors de cine mas reconoixitos y populars d'a historia d'o cine y autor d'importants exitos cinematograficos dende os anyos 1970 dica hue y con cuantos premios recibitos mientres a suya carrera cinematografica entre os que cal destacar 2 Premios Oscar a o millor director, 1 a la millor cinta y atras catorce nominacions ta iste premio.
| Steven Spielberg | |
|---|---|
 Steven Spielberg en 2017. | |
| Información personal | |
| Calendata de naixencia | 18 d'aviento de 1946 |
| Puesto de naixencia |  Cincinnati (Ohio, Estaus Unius)
|
| Ocupación | Director cinematografico, productor y guionista |
| Conchuche | Amy Irving (1985-1989) Kate Capshaw (1991- ) |
| Fillos | 6 |
| Pachina web | http://amblin.com/steven-spielberg/ |
| Sinyal |  |
A suya larga carrera artistica puet dividir-se en d'os partes: en a primera yera mas centrau en cintas de ciencia-ficción y aventuras que son arquetipos de cine d'entretenederas y una segunda parte en que ye mas centrau en dar un mensache humanista ta la sociedat con tematicas como l'Holocausto, o comercio d'esclaus, os dreitos civils y politicos, a guerra y o terrorismo.
D'entre a suya filmografía, se puet destacar bellas cintas como Jaws (1975, con Roy Scheider, Richard Dreyfuss, Robert Shaw y Lorraine Gary), Close Encounters of the Third Kind (1977, con Richard Dreyfuss, François Truffaut, Melinda Dillon y Terri Garr), E.T. the Extra-Terrestrial (1982, con Henry Thomas, Dee Wallace, Robert MacNaughton, Drew Barrymore y Peter Coyote), Poltergeist (1982, con Craig T. Nelson, JoBeth Williams, Beatrice Straight, Dominique Dunne y Oliver Robins), Indiana Jones and the Temple of Doom (1984, con Harrison Ford, Kate Capshaw, Jonathan Ke Quan y Amrish Puri), Back to the Future (1985, de Robert Zemeckis, con Michael J. Fox, Christopher Lloyd, Lea Thompson y Crispin Glover), The Color Purple (1985, con Whoopi Goldberg, Oprah Winfrey y Danny Glover), Empire of the Sun (1987, con Christian Bale, John Malkovich, Miranda Richardson y Nigel Havers), Hook (1991, con Dustin Hoffman, Robin Williams, Julia Roberts y Bob Hoskins), Jurassic Park (1993, con Sam Neill, Laura Dern, Jeff Goldblum, Richard Attenborough y Joseph Mazzello), Schindler's List (1993, con Liam Neeson, Ben Kingsley, Ralph Fiennes y Caroline Goodall), Saving Private Ryan (1998, con Tom Hanks, Edward Burns, Matt Damon y Tom Sizemore), u Indiana Jones and the Kingdom of the Crystal Skull (2008, con Harrison Ford, Shia LaBeouf, Cate Blanchett, Karen Allen, Ray Winstone, John Hurt y Jim Broadbent).
Tamién fa feina de productor con interpresas d'a suya propiedat. Con Amblin Entertainment cal destacar a producción de Poltergeist, Transformers, The Flintstones, Casper, Men in Black, Deep Impact, Jurassic Park, Back to the Future y The Mask of Zorro y con estudios DreamWorks SKG, que tamién ye distribuidora de cintas, American Beauty, Gladiator, Cast Away, Memoirs of a Geisha, as de animación por ordenador Shrek, Kung Fu Panda, Madagascar entre d'atras y os videochuegos Medal of Honor y Boom Blox.
Dimfuera d'os suyos treballos en a industria cinematografica ye un reconoixito filantropo mas que mas ta organizacions d'a Segunda Guerra Mundial y prencipalment ta Righteous Persons Foundation que destina diners ta prochectos chodigos y organizacions ta recordar l'Holocausto.
Premios
editar| Any | Categoria | Pel·lícula | Resultat |
|---|---|---|---|
| 2015 | Millor cinta | Bridge of Spies | Nominata |
| Millor director | Bridge of Spies | Nominata | |
| 2012 | Millor director | Lincoln | Nominata |
| 2011 | Millor cinta animata | The Adventures of Tintin | Nominata |
| 1998 | Millor cinta | Saving Private Ryan (En salvando a o soldato Ryan) | Nominata |
| Millor director | Saving Private Ryan (En salvando a o soldato Ryan) | Nominata | |
| 1994 | Millor cinta | Schindler's List (A lista de Schindler) | Ganadora |
| Millor director | Schindler's List (A lista de Schindler) | Ganadora | |
| 1986 | BAFTA honorifico | Ganador | |
| 1983 | Millor cinta | E.T. the Extra-Terrestrial | Nominata |
| Millor director | E.T. the Extra-Terrestrial | Nominata | |
| 1977 | Millor director | Close Encounters of the Third Kind | Nominata |
| Millor guión orichinal | Close Encounters of the Third Kind | Nominata | |
| 1975 | Millor director | Jaws | Nominata |
Bibliografía
editar- (en) Jackson, Kathi (2007). Steven Spielberg: A Biography. Westport, CT: Greenwood Press. ISBN 9780313337963.
- (en) Hook, Sue Vander (2010). Steven Spielberg: Groundbreaking Director. Edina, MN: Abdo Publishing Company. ISBN 9781604537048.
- (en) Mara, Wil (2014). Great Filmmakers Steven Spielberg. New York, NY: Cavendish Square Publishing. ISBN 9781627129367.
- (en) McBride, Joseph (1997). Steven Spielberg: A Biography. New York, NY: Simon & Schuster. ISBN 9780684811673.
- (en) Freer, Ian (2001). The Complete Spielberg. London: Virgin Publishing. ISBN 9780753505564.
- (en) Parish, James Robert (2004). Steven Spielberg Filmmaker. New York: Ferguson. ISBN 9780816054817.
- (en) Horn, Geoffrey M. (2002). Steven Spielberg. Milwaukee: World Almanac Library. ISBN 9780836850802.
- (en) Edge, Laura Bufano (2008). Steven Spielberg: Director of blockbuster films. Berkeley Heights, NJ: Enslow Publishers. ISBN 9780766028883.
- (en) Baxter, John (1996). Steven Spielberg: The Unauthorised Biography. London: Harper Collins. ISBN 9780002555876.
- (en) Mairata, James (2018). Steven Spielberg's Style by Stealth. Cham, Switzerland: Springer International Publishing. ISBN 9783319690810.
- (en) Buckland, Warren (2006). Directed by Steven Spielberg: Poetics of the Contemporary Hollywood Blockbuster. New York: Continuum. ISBN 9780826416919.
Se veiga tamién
editarVinclos externos
editarSe veigan as imáchens de Commons sobre Steven Spielberg.
- (en) Steven Spielberg en Internet Movie Database.
- (en) Pachina web de Steven Spielberg.
Datos: Q8877