Tierratremo
Un tierratremo u terrentrín ye a liberación de golpe d'enerchía acumulata por a deformación lenta en a superficie d'a Tierra, que ye espardita en forma d'ondas sismicas. Os tierratremos producen una temblor u una secudita d'a superficie d'a Tierra.
Os tierratremos gosan producir-sen por o movimiento d'as placas tectonicas que forman a crosta d'a Tierra. Istas placas se mueven lentament pero de contino, y os tierratremos ocurren quan a presión sobreixe a capacidat d'os materials d'a tierra ta endurar-la. Ista condición se troba mas a sobén en as mugas entre as placas tectonicas en que ye dividita a litosfera d'a Tierra.
Os tierratremos ocurren cada día en a Tierra, pero a mayor parti son chicotz y no causan danyos. Os mayors tierratremos pueden causar gran destrucción y perda de vidas por una variedat d'achents que encluyen fallas trencatas, movimiento vibratorio d'o suelo, inundacions (por eixemplo: tsunami, sobreixita d'entibos), diferents clases de crepas en o suelo (por eixemplo: licuefación, chorripatizos), u incendio de materials periglosos). En bells tierratremos en particular, belún d'istos achents pueden predominar, y historicament cadagún d'ells ha causato danyos mayors y gran perda de vidas umanas, pero en a mayor parti d'os tierratremos a temblor d'a tierra ye a causa predominant y prenzipal d'os danyos.
Enrastres externos
Se veigan as imáchens de Commons sobre os tierratremos.