Tierratremo
Un tierratremo u terrentrín ye a liberazión de golpe d'enerchía acumulata por a deformazión lenta en a superfizie d'a Tierra, que ye espardita en forma d'ondas sismicas. Os tierratremos produzen un temblor u una secudita d'a superfizie d'a Tierra.
Os tierratremos gosan produzir-sen por o mobimiento d'as placas tectonicas que forman a crosta d'a Tierra. Istas placas se mueben lentament pero de contino, e os tierratremos ocurren quan a presión sobreixe a capazidat d'os materials d'a tierra ta endurar-la. Ista condizión se troba más a sobén en as mugas entre as placas tectonicas en que ye dibidita la litosfera d'a Tierra.
Os tierratremos ocurren cada día en a Tierra, pero la mayor parti son chicoz e no causan daños. Os mayors tierratremos pueden causar gran destruzión e perda de bidas por una bariedat d'achents que encluyen fallas trencatas, mobimiento bibratorio d'o suelo, inundazions (por eixemplo: tsunami, sobrexita d'entibos), diferents clases de crepas en o suelo (por eixemplo: licuefazión, chorripatizos), u inzendio de materials periglosos). En bels tierratremos en particular, belún d'istos achents pueden predominar, e historicament cadagún d'els ha causato daños mayors e gran perda de bidas umanas, pero en a mayor parti d'os tierratremos o temblor d'a tierra ye a causa predominant e prenzipal d'os daños.
Enrastres externos
Se veigan as imáchens de Commons sobre os tierratremos.