Cromosoma
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Cromosoma (del griegu chroma, color, y soma, cuerpu o elementu) ye ca un de los pequeños cuerpos en forma de bastones en que s'organiza la cromatina del nucleu celular na mitosis y la meiosis, ca un de los cuales divídese llonxitudinalmente, dando orixe a dos cadenes ximielgues (iguales). El so númberu ye constante pa una especie determinada; n' Homo sapiens sapiens (el ser humanu) tiénense 46. D'ellos, 44 son autosómicos y 2 son sexuales o gonosomes.
Cromosoma | |
---|---|
intracellular non-membrane-bounded organelle (en) | |
| |
Denómase cromatina al material microscópicu constituyíu del ADN y de proteínes especiales nomaes histones que s'atopa nel nucleu de les célules eucariotes nes que los cromosomes vense como una amalgama de filos delgaos. Cuando la célula entama'l so procesu de división (cariocinesis), la cromatina condénsaes y los cromosomes fáense visibles como entidaes dixebraes. La unidá bas de la cromatina son los nucleosomes. Los cromosomes davezu represéntense por pares, en paralelu col so homólogu.