Cueva de la Peña
La Cueva de Candamu o la Caverna de la peña de Candamu ta allugada nel conceyu asturianu de Candamu nel pueblu de San Román.
Cueva de la Peña | |
---|---|
Bien d'Interés Cultural | |
Cueva de la Peña de Candamo (es) | |
cueva con arte prehistórico (es) | |
| |
Llocalización | |
País | |
Autonomía | |
Provincia | |
Conceyu | |
Coordenaes | 43°29′09″N 6°02′13″W / 43.485715°N 6.036927°O |
Arquiteutura | |
Superficie | 99,97 ha |
Patrimoniu de la Humanidá | |
Criteriu | (i) y (iii) |
Referencia | 310-002 |
Rexón | Europa y América del Norte |
Inscripción | ) |
BIC | RI-51-0000272[1] |
Foi descubierta por un paisanu apodáu "El Cristo" na segunda metá del sieglu XIX. Oficialmente descubierta en 1914 y, en 1919, Hernández Pacheco asoleyaría un estudiu científicu de la mesma. Ye una cueva natural con unos sesenta metros de llargo. Cronolóxicamente datase en 18.000 años, nel llamáu periodu solutrense, anque hai discutiniu sobre si dellos de los grabaos pertenecen a momentos anteriores (la "foca", ~30.000 años), o posteriores (grabaos de fauna menos fría, o puntos negros, ~13.000 años).
La cueva y les sos pintures hubieron de tener un sentíu máxico-ritual p'aquellos homes paleolíticos, arriendes de les habituales interpretaciones d'esta mena d'arte (Henri Breuil, 1877-1961), que se ven encontaes poles pesquises arqueolóxiques que se ficeron nesta cueva: nel so interior malpenes alcontráronse esquicios nin preseos llariegos de tener fecho vida dientro de la cueva o de tener realizaes munches actividaes, lo que supón que les entraes que ficieron nella hubieron de ser perlimitaes y en momentos concretos. De toes maneres, nuna covacha asitiada a pocos metros de la cueva sí s'alcontraron dellos oxetos qu'indiquen vivienda. Sicasí, resulta prudente tener en cuenta que se trata de la hipótesis más razonable.
Desgraciadamente, el vandalismu y una afluyencia descontrolada y irrespetuosa produxo daños irreversibles a la cueva, que ficieron que tuviere de ser zarrada pa que recuperara la estabilidá y esapaecieren ciernu y más vexetales. La comparanza de los dibuxos del estudiu de Pacheco, de 1919, cola cueva anguaño, dan testimoniu del terrible dañu causáu.
La cueva pue xebrase en:
- Sala baxa, o sala de los signos bermeyos, ye una pequeña sala allugada a la entrada, na derecha, na que tán representaos estremaos signos de color bermeyu.
- Galería d'entrada, ye la galería d'accesu a la cueva.
- Salón de los grabaos, tres acceder a esta sala per un pasu estrechu, vemos a la derecha la conocida como muria de los grabaos. Esta sala sirve de distribución pal restu de sales. Nesta sala alcuéntrase, amás de la muria, el mogote Estalagmíticu, el turriu Estalagmíticu y una pequeña sala con una pintura. La muria de los grabaos ye de seis metros de llargo por ocho d'altu. Ye una complexa composición de figures que ta formada por tres grupos de figures rellacionaes ente si por dibuxos de transición.
- Galería de la Batiscias
- El Camarín, ye la parte más importante de les representaciones de la cueva ye'l camarín. Trátase d'una hornacina asitiada na parte más alta de la sala de los grabaos. Nesta representación puen güeyase caballos y la figura d'un güe. Rescampla d'esti conxuntu la representación d'un caballu con gran maestría, emblema de la cueva.
En marzu de 2007 naugurase en Teberga'l Parque de la prehistoria de Teberga, que contién una reproducción de la cueva fecha por Pedro Saura y Matilde Múzquiz, profesores de la Facultá de Belles Artes de la Universidá Complutense de Madrid.
Les visites tán restrinxíes a venticinco persones diaries demientres tres meses y esiste nel pueblu de San Román, nel interior del Palaciu Valdés, un Centru de Interpretación de la Caverna de Candamu, abiertu tol añu y con una reproducción de parte de la cueva nel so interior.
Referencies
editar- ↑ «base de datos de monumentos de Wiki Loves Monuments» (13 payares 2017).