Premiu Nobel de Física
El Premiu Nobel de Física ye un premiu añal concedíu pola Real Academia de les Ciencies de Suecia a aquellos que ficieren les contribuciones más destacaes pa la humanidá nel campu de la Física. Ye ún de los cinco premios Nobel establecíos por Alfred Nobel nel so testamentu, en 1895, y otórgase dende 1901. El premiu ye alministráu pola Fundación Nobel y ye universalmente reconocíu como'l premiu más prestixosu que puede recibir un físicu. Entrégase n'Estocolmu nuna ceremonia añal celebrada'l 10 d'avientu, fecha del aniversariu de la muerte de Nobel.
Premiu Nobel de Física | ||
---|---|---|
Concedíu por | Real Academia de les Ciencies de Suecia | |
Llocalización | Estocolmu | |
Parte de | Premiu Nobel | |
Historia | ||
Primer entrega | 1901 | |
Sitiu oficial | ||
[editar datos en Wikidata] |
Nominación y selección
editarEl premiu pueden ganalu al empar un máximu de trés premiaos que presenten como muncho dos trabayos diferentes. El procesu de nominación y selección, comparáu col d'otros premios Nobel, ye llargu y rigurosu, y esto fai que la so imortancia dientru del mundu la Física fora medrando hasta convertilu nel más importante del mundu.
Los futuros premiaos son seleccionaos pol Comité Nobel de Física, formáu por cinco persones elixíes pola Real Academia de les Ciencies de Suecia. Nuna primer fase, qu'entama en setiembre, alredor de 3.000 persones (profesores d'universidá seleccionaos, premiaos col Nobel de Física y Química, etc) reciben un formulariu que pueden devolver col nome de los sos candidatos. Tolos formularios han de tar na sede del Comité pal 31 de xineru. Los espertos del comité van seleccionando, hasta nun dexar más de quince, ente tolos candidatos propuestos. El comité unvia un informe, con una serie de recomendaciones, a l'Academia, aú se revisa y discute hasta que se decide'l ganador o ganadores pol votu de la mayoría.
Los nomes de los nomaos inxamás s'anuncien, y ellos nunca saben que foran teníos en cuenta como candidatos a recibilu, y los rexistros del procesu de nominación queden sellaos pa 50 años. Nun se permiten nominaciones póstumes, pero ye posible qu'un individuu lu reciba si muerre nel tiempu que va de la so proclamación (n'ochobre) a la so entrega (n'avientu). Anantes de 1974 permitíense los premios póstumos si'l ganador morriera dempués de tar nomáu.
Les normes del premio desixen que la importancia de los descubrimientos premiaos tengan superao la preba del tiempu. Na práctica, esto significa que'l lapsu ente'l descubrimientu y el premiu ye d'unos venti años, y delles vegaes abondo más. Asina, por exemplu, ún de los ganadores del premiu en 1983 foi Subrahmanyan Chandrasekhar, que desarrollara los sos trabayos sobre la estructura y la evolución estelar na década del 1930. Esi mesmu test del tiempu fai que non tolos científicos que lo mereceríen vivan abondo pa poder ser premiaos, y asina hai dellos descubrimientos perimportantes que nunca se tienen en cuenta pal premiu porque los sos descubridores morrieran primero de que seya evidente l'impactu científicu del so trabayu.
Llista de ganadores
editarAñu | Ganadores | Nacionalidá | Motivu |
---|---|---|---|
2020 | Roger Penrose Reinhard Genzel Andrea M. Ghez |
Pol descubrimientu de que la formación de furacos prietos ye una predicción de la Relatividá xeneral y pol descubrimientu d'un oxetu compautu supermasivu nel centru de la Vía Lláctea»[1] | |
2019 | James Peebles Michel Mayor Didier Queloz |
Poles sos contribuciones nel campu de la cosmoloxía física, y especialmente pol descubrimientu d'un exoplaneta qu'orbita una estrella de tipu solar. | |
2018 | Donna Strickland[2] Gérard Mourou Arthur Ashkin |
Poles sos revolucionaries invenciones nel campu de la física del láser, l'usu de pinces óptiques y la so aplicación en sistemes biolóxicos. | |
2017 | Rainer Weiss Barry Barish Kip Thorne |
Pola so contribución fundamental al desarrollu del observatoriu de detección d'ondes gravitatories LIGO, y pola observación de les mesmes. | |
2016 | David J. Thouless Duncan M. Haldane John M. Kosterlitz |
Pol descubrimientu teóricu de les fases tipolóxiques de la materia y de les transiciones de fase. | |
2015 | Takaaki Kajita Arthur B. McDonald |
Pol descubrimientu de les oscilaciones de los neutrinos, que prueba qu'estos tienen masa. | |
2014 | Isamu Akasaki Hiroshi Amano Shuji Nakamura |
Pola invención de diodos d'emisión de lluz azules pereficientes, que permitieron el desarrollu de les fontes de lluz blanco brillantes y de baxu consumu. | |
2013 | François Englert Peter Higgs |
Pol so descubrimientu teóricu d'un mecanismu que mos ayuda a comprender l'orixe de la masa de les partícules soatómiques y que foi confirmáu al descubrise, al traviés de los esperimentos ATLAS y CMS, la partícula fundamental prevista. | |
2012 | Serge Haroche David Wineland |
Polos sos trabayos na midida y manipulación de sistemes cuánticos individuales. | |
2011 | Saul Perlmutter | Por tener descubierta, al traviés de la observación de supernoves perllonxanes, la espansión acelerada del universu. | |
2010 | Andre Geim Konstantin Novoselov |
Polos sos novedosos esperimentos col grafenu en dos dimensiones. | |
2009 | Charles K. Kao William S. Boyle George E. Smith |
Kao recibiolu polos sos llogros pioneros sobro la tresmisión de la lluz al traviés de fibres pa la comunicación óptica. Boyle y Smith ganáronlu pola invención d'un circuitu semiconductor formador d'imáxenes, el sensor de carga acoplada. | |
2008 | Yoichiro Nambu Makoto Kobayashi Toshihide Maskawa |
Nambu ganolu pol descubrimientu de la rotura espontánea de la simetría electrodébil na física soatómica. Kobayashi y Maskawa recibiéronlu poles sos investigaciones sobro l'orixe d'eses rotures de la simetría, que predicen la esistencia de trés families de quarks. | |
2007 | Albert Fert Peter Grünberg |
Pol descubrimientu de la magnetorresistencia xigante, grandes cambios de resistencia en materiales formaos por capes alternes d'elementos metálicos distintos, con grandes aplicaciones nel campu de la nanoteunoloxía. | |
2006 | John C. Mather George F. Smoot |
Pol descubrimientu de la curva de cuerpu negru y la variabilidá de la radiación cósmica de fondu de microondes. | |
2005 | Roy J. Glauber Theodor W Hänsch John L Hall |
Glauber ganolu pola so contribución a la teoría cuántica de la coherencia óptica. Hänsch y Hall recibiéronlu poles sos contribuciones al desarrollu de la espectroscopia de precisión por láser, incluyendo la técnica de peñe de frecuencia óptica. | |
2004 | David J. Gross H. David Politzer Frank Wilczek |
Pol descubrimientu de la llibertá asintótica na teoría de la interaición nuclear fuerte. | |
2003 | Alexei A. Abrikosov Vitaly L. Ginzburg Anthony J. Leggett |
Poles sos contribuciones al entamu del desarrollu de la teoría de los superconductores y los superfluidos. | |
2002 | Raymond Davis Masatoshi Koshiba Riccardo Giacconi |
Pola so contribución nel campu de l'astrofísica. Les de Giacconi llevaron al descubrimientu de les fontes de rayos X cósmicos, y les de Davis y Koshiba céntrense na detección de neutrinos cósmicos. | |
2001 | Eric A. Cornell Wolfgang Ketterle Carl E. Wieman |
Por consiguir, por primer vegada, llograr l'entestáu de Bose-Einstein esfreciendo, pol métodu d'enfriamientu por láser, átomos al más baxu nivel d'enerxía, menos d'una millonésima de Kelvin percima del cero absolutu. | |
2000 | Zhores Ivanovich Alferov Herbert Kroemer Jack S. Kilby |
Kilby recibiolu pol desarrollu de los circuitos integraos (microchips). Alferov y Kroemer pol desarrollu de superconductores perrápidos, afechiscos pal so usu en microelectrónica. | |
1999 | Gerardus 't Hooft Martinus J.G. Veltman |
Polos sos trabayos nel estudiu de la estructura cuántica de les interacciones electrodébiles. | |
1998 | Robert B. Laughlin Horst L. Störmer Daniel C. Tsui |
Pol descubrimientu del efeutu Hall cuánticu fraccionariu, qu'amuesa que los electrones pueden formar, nún campu magnéticu y a baxa temperatura, un fluidu cuánticu con cargues llétriques fraccionaries. | |
1997 | Steven Chu Claude Cohen-Tannoudji William Daniel Phillips |
Pol desarrollu del procesu que permite enfriar y capturar átomos con lluz láser. | |
1996 | David Morris Lee Douglas Dean Osheroff Robert Coleman Richardson |
Pol descubrimientu de la superfluidez nel isótopu heliu-3. | |
1995 | Martin Lewis Perl Frederick Reines |
Perl ganolu pol descubrimientu de la partícula soatómica tau neutrín. A Reines concediéron-ylu pol descubrimientu de la partícula soatómica neutrín. | |
1994 | Bertram Neville Brockhouse Clifford Glenwood Shull |
Pol desarrollu de técniques de dispersión de neutrones, que permitieron avanzar nel estudiu de la física de la materia entestada. | |
1993 | Russell Alan Hulse Joseph Hooton Taylor Jr. |
Pola identificación de los púlsares binarios. | |
1992 | Georges Charpak | Poal invención de la cámara multicable, un detector que permite rastrexar la presencia de partícules soatómiques. | |
1991 | Pierre-Gilles de Gennes | Pol descubrimientu de les normes xenerales que rixen el comportamientu de les molécules. | |
1990 | Jerome Isaac Friedman Henry Way Kendall Richard Edward Taylor |
Pol descubrimientu de los quarks atómicos. | |
1989 | Norman Foster Ramsey Hans Georg Dehmelt Wolfgang Paul |
Ramsey recibiolu pola invención del métodu de campu oscilatoriu separtáu, decisivu pal desarrollu del reló atómicu. Dehmelt y Paul ganáronlu por tener desarrollao métodos que permiten aisllar átomos y partícules soatómiques pa facilitar el so estudiu. | |
1988 | Leon Max Lederman Melvin Schwartz Jack Steinberger |
Poles sos investigaciones nel campu de les partícules soatómiques. | |
1987 | Johannes Georg Bednorz Karl Alexander Müller |
Polos sos descubrimientos sobro la superconductividá nos materiales cerámicos. | |
1986 | Ernst Ruska Gerd Binnig Heinrich Rohrer |
Ruska ganolu pol desarrollu del microscopiu electrónicu, y Binnig y Rohrer pol descubrimientu del microscopiu d'efeutu túnel, que permite visualizar átomos individuales. | |
1985 | Klaus von Klitzing | Pol descubrimientu del efeutu Hall cuánticu, que permite midíes exactes de la resistencia llétrica. | |
1984 | Carlo Rubbia Simon van der Meer |
Pol so descubrimientu de les partícules soatómiques W y Z, que sofiten la validez de la teoría electrodébil. | |
1983 | Subrahmanyan Chandrasekhar William Alfred Fowler |
Chandrasekhar ganolu polos sos estudios sobre la estructura y evolución de les estrelles. Fowler recibiolu polos sos trabayos sobro les reacciones nucleares clave pa la formación de los elementos químicos. | |
1982 | Kenneth Geddes Wilson | Pol desarrollu de la teoría de fenómenos críticos col cambéu d'estáu. | |
1981 | Nicolaas Bloembergen Arthur Leonard Schawlow Kai M. Siegbahn |
Siegbahn ganolu pol desarrollu de la espectroscopia d'electrones, y Bloembergen y Schawlow por l'aplicación de los lásers na espectroscopia. | |
1980 | James Watson Cronin Val Logsdon Fitch |
Polos sos descubrimientos sobro la violación de los principios de la simetría na partícula kaón, que demostraron que les interacciones de les partícules soatómiques nun son independientes del tiempu. | |
1979 | Sheldon Lee Glashow Abdus Salam Steven Weinberg |
Pola so contribución a la ellaboración d'una teoría xunificada sobre les interacciones débiles ya electromagnétiques de les partícules soatómiques. | |
1978 | Pyotr Leonidovich Kapitsa Arno Allan Penzias Robert Woodrow Wilson |
Kapitsa ganolu poles son investigaciones nos campos del magnetismu y la física a baxes temperatures. Penzias y Wilson recibiéronlu pol so descubrimientu de la radiación cósmica de fondu de microondas, que sofitaba la validez de la teoría del Big Bang. | |
1977 | Philip Warren Anderson Sir Nevill Francis Mott John Hasbrouck van Vleck |
Pola so contribución a la comprensión del comportamientu de los electrones en sólidos non cristalinos con propiedaes magnétiques. | |
1976 | Burton Richter Samuel Chao Chung Ting |
Pol descubrimientu d'una nueve clas de partícules elementales, los mesones psi o J. | |
1975 | Aage Niels Bohr Ben Roy Mottelson Leo James Rainwater |
Polos sos trabayos sobre'l nucleu atómicu, que derrompieron el camín pa llograr la fusión nuclear. | |
1974 | Sir Martin Ryle Antony Hewish |
Polos sos trabayos nel campu de la radioastronomía. | |
1973 | Leo Esaki Ivar Giaever Brian David Josephson |
Esaki y Giaever ganáronlu pol so descubrimientu del efeutu túnel del electrón; Esaki desarrolló un instrumentu, el diodu d'Esaki, pa poder demostralu esperimentalmente. Josephson recibiolu pol descubrimientu del efeutu que lleva'l so nome, manifestáu pola aparición d'una corriente llétrica, por efeutu túnel, ente dos superconductores separtaos. | |
1972 | John Bardeen Leon Neil Cooper John Robert Schrieffer |
Pol desarrollu de la teoría de la superconductividá, que describe la desaparición de la resistencia llétrica en dellos sólidos cuando son enfriaos per baxu de determinada temperatura. | |
1971 | Dennis Gabor | Pola invención de la holografía. | |
1970 | Hannes Olof Gösta Alfvén Louis Eugène Félix Néel |
Polos sos trabayos nos campos de la magnetohidrodinámica, el ferromagnetismu ya'l antiferromagnetismu. | |
1969 | Murray Gell-Mann | Pol tener desarrollao un métodu de clasificación de les partícules elementales y de les sos interacciones. | |
1968 | Luis Walter Alvarez | Polos sos trabayos nel campu de les partícules elementales, y en particular pol descubrimientu de los estaos de resonancia. | |
1967 | Hans Albrecht Bethe | Polos sos trabayos rellacionaos cola forma que tienen les estrelles de producir enerxía. | |
1966 | Alfred Kastler | Pol so descubrimientu de métodos ópticos que permitieron estudiar les resonancies hercianes nos átomos. | |
1965 | Sin-Itiro Tomonaga Julian Schwinger Richard P. Feynman |
Polos sos trabayos nel campu de la electrodinámica cuántica, que permitieron describir matemáticamente toles interacciones de la lluz cola materia y les de les partícules cargaes electrónicamente ente sí. | |
1964 | Charles Hard Townes Nicolay Gennadiyevich Basov Aleksandr Mikhailovich Prokhorov |
Polos sos trabayos nel campu de la electrónica cuántica, que ficieron posible la fabircación d'instrumentos basaos nos principios del láser ya'l máser. | |
1963 | Eugene Paul Wigner Maria Goeppert-Mayer J. Hans D. Jensen |
Jensen y Mayer ganáronlu pol desarrollu del modelu nuclear de capes pa esplicar la estructura del nucleu del átomu. Winger ganolu pol descubrimientu de los principios que rixen la interacción ente los protones y los neutrones nel nucleu atómicu. | |
1962 | Lev Davidovich Landau | Pola so contribución a la comprensión de los estaos condensaos de la materia. | |
1961 | Robert Hofstadter Rudolf Ludwig Mössbauer |
Hofstadter ganolu pola so determinación de la forma ya'l tamañu de los nucleones atómicos. Mössbauer pol descubrimientu del nomáu efeutu Mössbauer, que describe les condiciones de la emisión y absorción resonante de rayos gamma llibres de retrocesu por parte d'átomos d'un sólidu. | |
1960 | Donald Arthur Glaser | Pola invención de la cámara de burbuyes, que ye un detector de partícules con carga llétrica. | |
1959 | Emilio Gino Segrè Owen Chamberlain |
Pola confirmación de la esistencia del antiprotón. | |
1958 | Pavel Alekseyevich Cherenkov Il'ja Mikhailovich Frank Igor Yevgenyevich Tamm |
Pol descubrimientu ya interpretación del nomáu efeutu Cherenkov, qu'afirma que los electrones emiten, cuando pasen al traviés d'un mediu tresparente, lluz a una velocidá mayor que la velocidá de la lluz nesi mediu. | |
1957 | Chen Ning Yang Tsung-Dao Lee |
Polos sos trabayos sobro la non conservación de la llei de paridá nes interacciones débiles. | |
1956 | William Bradford Shockley John Bardeen Walter Houser Brattain |
Poles sos investigaciones nel campu de los semiconductores y pola invención del transistor. | |
1955 | Willis Eugene Lamb Polykarp Kusch |
Lamb ganolu polos sos descubrimientos na estructura del espectru del hidróxenu. Kusch ganolu pol descubrimientu d'un métodu pa midir el momentu magnéticu del electrón. | |
1954 | Max Born Walther Bothe |
Born ganolu polos sos trabayos nel campu de la interpretación estadística de la función d'onda. A Bothe concediéron-ylu pol desarrollu del métodu de coincidencia y la so aplicación al estudiu de les reacciones nucleares, l'efeutu Compton, los rayos cósmicos y la dualidad de radiación onda-partícula. | |
1953 | Frits (Frederik) Zernike | Pola invención del métodu y el microscopiu de contraste de fases. | |
1952 | Felix Bloch Edward Mills Purcell |
Pol descubrimientu de la esistencia de la resonancia magnética nuclear nos sólidos. | |
1951 | Sir John Douglas Cockcroft Ernest Thomas Sinton Walton |
Por consiguir, usando un acelerador de partícules inventáu por ellos, desintegrar por primer vegada un nucleu atómicu con partícules soatómiques aceleraes artificialmente. | |
1950 | Cecil Frank Powell | Pol desarrollu d'un métodu fotográficu pa estudiar los procesos nucleares y'l descubrimientu, de resultes, del pion, (pi-mesón), una partícula soatómica pesada. | |
1949 | Hideki Yukawa | Pola so predicción teórica de la esistencia de los mesones. | |
1948 | Patrick Maynard Stuart Blackett | Polos sos descubrimientos nos campos de la física nuclear y de la radiación cósmica. | |
1947 | Sir Edward Victor Appleton | Pol descubrimientu de la ionosfera, una de les capes de l'atmósfera terrestre. Una de les sos socapes, la capa F, llámase capa Appleton nel so honor. | |
1946 | Percy Williams Bridgman | Polos sos descubrimientos nel campu de la física d'altes presiones. | |
1945 | Wolfgang Pauli | Pol descubrimientu del principiu d'esclusión de los electrones. | |
1944 | Isidor Isaac Rabi | Pola invención d'un métodu de resonancia que permitió rexistrar delles propiedaes de los nucleos atómicos. | |
1943 | Otto Stern | Pol descubrimientu del momentu magnéticu del protón. | |
1942 | 1/3 destináu al Fondu Principal y 2/3 al Fondu Especial d'esta seición del premiu | ||
1941 | 1/3 destináu al Fondu Principal y 2/3 al Fondu Especial d'esta seición del premiu | ||
1940 | 1/3 destináu al Fondu Principal y 2/3 al Fondu Especial d'esta seición del premiu | ||
1939 | Ernest Orlando Lawrence | Pola invención del acelerador de partícules nomáu ciclotrón. | |
1938 | Enrico Fermi | Pol descubrimientu d'elementos radiactivos artificiales creaos mediante la irradiación de neutrones. | |
1937 | Clinton Joseph Davisson George Paget Thomson |
Pola demostración esperimental de los fenómenos d'interferencia que se producen en sólidos cristalinos irradiaos por electrones. | |
1936 | Victor Franz Hess Carl David Anderson |
Anderson recibiólu pol descubrimientu del positrón, y Hess pol descubrimientu de la radiación cósmico. | |
1935 | James Chadwick | Pol descubrimientu del neutrón. | |
1933 | Erwin Schrödinger Paul Adrien Maurice Dirac |
Pola introducción de nueves formes productives de la teoría atómica. El primeru enunció la ecuación de Schrödinger, y'l segundu la ecuación de Dirac. | |
1932 | Werner Karl Heisenberg | Pola formulación del so principiu d'incertidume, qu'afirma que ye imposible midir al tiempu de forma precisa la posición y el momentu llinial d'una partícula, básicu pal desarrollu de la mecánica cuántica. | |
1930 | Chandrasekhara Venkata Raman | Polos sos trabayos sobro la difusión de la lluz, y'l descubrimientu del efeutu Raman, la llixera disminución na llonxitú d'onda qu'ocurre cuando la lluz ye dispersada d'un átomu o molécula. | |
1929 | Louis de Broglie | Pol so descubrimientu de la naturaleza ondulatoria del electrón. | |
1928 | Owen Willans Richardson | Polos sos trabayos sobro la emisión d'electrones polos metales calientes. | |
1927 | Arthur Holly Compton Charles Thomson Rees Wilson |
Compton ganolu pol descubrimientu del nomáu de magar efeutu Compton, l'aumentu de la llonxitú d'onda d'un fotón cuando choca con un electrón llibre y pierde parte de la so enerxía.
Wilson ganolu pola invención de la cámara de niebla o cámara Wilson, que permite detectar partícules de radiación ionizante. | |
1926 | Jean Baptiste Perrin | Polos sos trabayos sobro los rayos catódicos y sobro l'equilibriu de sedimentación. | |
1925 | James Franck Gustav Ludwig Hertz |
Pol descubrimientu de les lleis que rixen l'impactu d'un electrón nún átomu. | |
1924 | Karl Manne Georg Siegbahn | Polos sos trabayos sobro la espectroscopia de los rayos X. | |
1923 | Robert Andrews Millikan | Polos sos trabayos pa determinar el valor de la carga del electrón y l'efeutu fotollétricu. | |
1922 | Niels Henrik David Bohr | Polos sos trabayos sobro la estructura atómica y la radiación. | |
1921 | Albert Einstein | Polos sos trabayos nel campu de la fisica teórica. | |
1920 | Charles Edouard Guillaume | Pol descubrimientu de les aleaciones d'aceru al níquel conocíes como invar. | |
1919 | Johannes Stark | Pol descubrimientu del desplazamientu y desdoblamientu de les llinies espectrales de los átomos y molécules pola presencia d'un campu llétricu estáticu, nomáu n'honor d'elli efeutu Stark. | |
1918 | Max Karl Ernst Ludwig Planck | Pol descubrimientu del quantum elemental, que puso les bases de la teoría cuántica. | |
1917 | Charles Glover Barkla | Pol descubrimientu de los rayos X característicos de los elementos. | |
1916 | Destináu al Fondu Especial d'esta seición del premiu. | ||
1915 | William Henry Bragg William Lawrence Bragg |
Poles sos contribuciones al desarrollu de la cristalografía de los rayos X. | |
1914 | Max von Laue | Pol descubrimientu de la difracción de los rayos X por sólidos n'estáu cristalín. | |
1913 | Heike Kamerlingh Onnes | Poles sos investigaciones sobre les propiedaes de la materia a temperatures baxes, y por consiguir producir heliu líquidu. | |
1912 | Nils Gustaf Dalén | Pola so invención de reguladores automáticos pa la iluminación de los faros y les balices luminoses. | |
1911 | Wilhelm Wien | Poles sos investigaciones nel campu de les lleis que rixen la radiación térmica. | |
1910 | Johannes Diderik van der Waals | Poles sos investigaciones nel campu de les ecuaciones d'estáu de los gases y los llíquidos. | |
1909 | Guglielmo Marconi Carl Ferdinand Braun |
Pola invención de la telegrafía ensin filos. | |
1908 | Gabriel Lippmann | Pola so invención d'un método que permitiera la reproducción fotográfica de los colores. | |
1907 | Albert Abraham Michelson | Poles sos investigaciones espectroscópiques y metrolóxiques. | |
1906 | Sir Joseph John Thomson | Poles sos investigaciones sobre la conductividá llétrica de los gases. | |
1905 | Philipp Eduard Anton von Lenard | Poles sos investigaciones sobro los rayos catódicos. | |
1904 | John William Strutt, barón de Rayleigh. | Pol descubrimientu del gas argón. | |
1903 | Antoine Henri Becquerel Pierre Curie Marie Curie |
Becquerel recibiólu pol descubrimientu de la radiactividá espontánea, y'l matrimoniu Curie poles sos investigaciones sobre los fenómenos descubiertos por Becquerel.
| |
1902 | Hendrik Antoon Lorentz Pieter Zeeman |
Poles sos investigaciones sobre la influyencia del magnetismu sobro la radiación. | |
1901 | Wilhelm Conrad Röntgen | Pol descubrimientu de los rayos X. |
Ver tamién
editarReferencies
editar- ↑ «The Nobel Prize in Physics 2020» (n'inglés). Archiváu dende l'orixinal, el 2020-10-06. Consultáu'l 6 d'ochobre de 2020.
- ↑ La canadiense Strickland, primera mujer en recibir el Nobel de Física en 55 años Archiváu 2018-10-03 en Wayback Machine publico.es Consultao'l 03.10.2018