جمهوريه
الجمهوريه شكل من اشكال الحكم اللى موجوده فى العالم ,والحكم الجمهورى بتكون فيه الدوله ليها رئيس ,بيحدد الدستور الواجبات اللى عليه ,والرئيس فى النظام الجمهورى المفترض ان ييجى بالانتخاب .ويحدد الدستور مدة الرئاسة.
| ||||
---|---|---|---|---|
تعديل |
انواع النظام الجمهورى
تعديلالنظام الجمهورى بيكون نوع من تلاته يااما جمهورى برلمانى او جمهورى رئاسى او شبه رئاسى .
- النظام برلمانى جمهورى : واللى بيمسك الحكم بيها هوا رئيس الوزاره -اللى بتتشكل لا لا لا من الحزب اللى بياخد اكتر من نص الاصوات فى الانتخابات النيابيه , او بتكون ائتلافيه من اكتر من حزب لو مفيش ولا حزب خد اكتر من نص الاصوات -وفى النظام البرلمانى بيكون فيه برضه رئيس جمهوريه لكن بيكون منصب شرفى , وبتكون اعماله بروتوكوليه اكتر ماهيا تنفيذيه ,و الجمهوريات اللى نظامها برلمانى زى ايطاليا و اسرائيل ,وعلى فكره النظام البرلمانى مش بس فى الجمهوريات , النظام البرلمانى موجود فى اكترية الدول الملكيه اللى النظام فيها مبنى على اساس ان الملك يملك ولا يحكم .
- النظام الجمهورى الرئاسى : بيكون فيه رئيس الدوله فى ايده سلطات كتيره وبيكون رئيس الدوله ممكن يتقال عليه انه هوا السلطه التنفيذيه وبيختار الناس اللى بتشتغل معاه وبيكونو مساعدين او معاونين ليه , واهم دوله نظامها رئاسى هيا امريكا.
- النظام الجمهورى شبه الرئاسى : وده بيكون فيها رئيس جمهوريه و رئيس وزاره وبيكون لكل واحد فيهم صلاحيات و اختصاصات و اللى بتكون متحدده فى الدستور , و النظام ده موجود فى فرنسا و مصر .