ديموقراطيه
الديموقراطيه ( يونانى: δημοκρατία ، انجليزى: Democracy )، مفهوم سياسى قديم بدا ايام المدينه-الدوله فى اتينا القديمه. وكان ده فى القرن الخامس قبل الميلاد ، و الكلمه دى بتتكون من كلمتين يونانيين وهما: " ديموس δῆμος " و " كراتوس κράτος ". كلمة ديموس معناها الشعب ، وكلمة كراتوس معناها سلطه ، فيبقى معنى كلمة ديموقراطيه : سلطة الشعب و بكده هى عكس استبداد فرد او جماعه معينه دينيه او عرقيه او غيرها بالسلطه.
| ||||
---|---|---|---|---|
بيتكون من | رئيس | |||
عكسه | اوتوقراطيه | |||
تعديل |
النظام الديموقراطى بمفهومه الغربى بيعتمد بشكل كبير على اللى كان موجود فى اتينا القديمه فى اليونان اللى كان النظام الديموقراطى فيها بيتشكل من حاجتين مختلفين عن بعض ، الاولانيه : عباره عن مجلس بيتكون من حوالى 500 عضو بياخدوا الافكار التشريعيه اللى المواطنين بيقدموها وبعدين يجهزوها على شكل مشروعات قوانين. و التانيه: عباره عن جمعيه من المواطنين ، وده كان نوع من الديموقراطيه المباشره. وكان المواطنين الاتينيين LES CITOYENS ليهم الحق فى الكلمه و التصويت قدام الجمعيه دى اللى كان اسمها اكليزيا ECCLESIA.
مع الوقت ، اتطورت الديموقراطيه وظهرت بشكلها الموجود دلوقتى فى اواخر القرن التمنتاشر و بدايات القرن التسعتاشر.
بطبيعة الحال النظام الديمقراطى مضاد للنظام الديكتاتورى القايم على حكم استبدادى بيقوم بيه فرد او جماعه زى ما كان فى نظام النازى فى المانيا و فى النظام الناصرى فى مصر و النظم الدينيه فى العصور الوسطى و العصر الحديث.
ديموقراطية حديثة
تعديلتبتدي البلاد الجديدة بتأسيس نظام ديموقراطيتها على اساس الدستور اللذي بيحدد :
1. مدة خدمة الرئيس ، اربع سنين او خمسة ، قابلة للمد مرة واحدة.
2. نظام واستقلال محكمة دستورية عليا ، تراعي التمشي مع الدستور ، و تعود ليها الوزارة والبرلمان فى حالة الخلاف على قانون جديد من القوانين المدنية .
3. استقلالية القضاء ، وان يكون الجميع فعلا قدام القانون سواء ، من الوزير الى أصغر مواطن عادي .
4. استقلالية الصحافة ، وتعددية وسائل الإعلام لحد لا تسيطر جهة على تعريف الجمهور بالامور .
5. نقطة غير صحيحة
6 . احزاب تقوم بإقناع الجمهور ببرنامج اصلاحاتها ، وبحسب أغلبية اعضاء الحزب فى البرلمان ممكن تكوين الحكومة ، و تكون حكومة تآلف بين حزبين او تلاتة للحصول على اكتر من نصف مقاعد البرلمان ،
7. تحديد عدد الاحزاب بوسيلة نسبة ادنى (مثلا 5%) لدخول البرلمان ، ده يحث الاحزاب أن تكون واضحة فى مبادئها وواضحة فى برنامجها ، تمويل الاحزاب من الدولة ويكون نصيبها بحسب نسبة انتخابها من المواطنين . (زيادة عدد الاحزاب تضيع قدرة المعارضة فى البرلمان ) .
8. البوليس "فى خدمة الشعب" ويتبع وزارة الداخلية ، ووزير الداخلية مسؤول عن عملها امام البرلمان وقدام رئيس الوزارة. القبض على المشتبه به لا بد وان يكون بأمر قضائي ، ولمدة ايام قليلة تحت دخليق . و لازم ابلاغ اهله وتعريفهم بمكان حجزه فى 24 ساعة ، كمان ان ممكن لأهله زيارته لمنع سوء المعاملة فى الحجز. و "من حق " المشتبه فيه الاتصال بمحامي يدافع عنه . ممكن لأعضاء البرلمان استدعاء جلسة خاصة - ممكن أن تذاع فى التلفزيون مباشرة - وتقوم بسؤال الوزير .
9. تفعيل اتحادات العمال والنقابات واستقلاليتها بضمان الدستور .
10. الفن فى تنفيذ الديموقراطية هو تأليف دستور ينظم العلاقات بين المؤسسات التنفيذية الكبيرة فى البلد ب تراقب بعضها البعض باستقلالية ، ويكون لكل منها رقيبا يحاسبها على اساس منطوق الدستور .