الفرق بين النسختين بتاع: «فرج فوده»

فرج فوده( 20 اغسطس , 1945 دمياط - 8 يونيو , 1992 القاهرة) كان كاتب مصري مهم و مفكر و صحفي و كمان ناشط في حقوق الانسان ومنادي بالسيكولارية و الدولة المدنية والوحدة الوطنية للمصريين بغض النظر عن دينهم. واخد الدكتوراه بتاعته في الاقتصاد الزراعي من جامعة عين شمس. فرج فوده كان عضو في حزب الوفد الجديد لحد ما استقال سنه 1984 لما اتحالف الوفد ويا الاخوان المسلمين في انتخابات مجلس الشعب.فرج فودة اتقتل بالرصاص بعد تحريض جبهة علماء الازهر عليه و اتهامه بالردة. ووجوب قتله في بيان ليها في جريدة النور سنة 1992.

حياته

اتشهر فرج فودة بمقالاته الحادة اللي انتقد فيها التطرف الاسلامي و عارض فيها الدولة الاسلامية و طالب بفصل الدين عن الدولة. فرج فودة اتميز بالذكاء الشديد اللي مكنه من انه يبين نقط الضعف في الفكر اللي بتقوم عليه نظريات الجهاد و خصوصا صراعه مع الشيخين الغزالي و عبد الحميد كشك اللي كفروه على الرغم من انه في كل كتبه و مقالاته كات بيأكد اسلامه و توضيحه ان صراعه مع الاسلاميين صراع سياسي مش صراع ديني. و كمان صراع مع الشيخ صلاح ابو اسماعيل والشيخ عمر عبد الرحمن المسجون دلوقتى فى امريكا . كما صارع كثير من الكتاب الاسلاميين كفهمي هويدي . وابطل كل حججهم لاقامة دولة غير علمانية في مصر .

اغتياله

الساعة سبعة الا ربع و هو خارج من مكتبه في مدينة نصر و معاه ابنه الصغير وواحد صاحبه، هجم عليه اتنين من الجماعة الاسلامية راكبيت موتوسيكل و فتحو عليه النار من رشاش آلي و بعديها اتنقل للمستشفى و مات بعديها بست ساعات. الشيخ الازهري محمد الغزالي اعلن ان قتل المرتد مش غلط و قال ان قتل فرج فوده هو تطبيق لحد القتل للمرتد لان الامام فشل في تطبيقه.

كتبه

• الحقيقة الغائبة.
• زواج المتعة.
• حوارات حول الشريعة.
• الطائفية إلى أين؟
• الملعوب.
• نكون أو لا نكون.
• الوفد والمستقبل.
• حتى لا يكون كلاما في الهواء.
• النذير.
• الإرهاب .
• حوار حول العلمانية.
• قبل السقوط.

لينكات

• بلوج بينشر اعمال فرج فودة