قصر القبه
| ||||
---|---|---|---|---|
البلد | ||||
التقسيم الادارى | محافظة القاهره | |||
احداثيات | 30°05′55″N 31°18′11″E / 30.0987°N 31.303°E | |||
تعديل |
قصر القبه من اكبر قصور مصر، و هو يستخدم دلوفتى كمقر لنزول الضيوف الاجانب من رؤساء وغيرهم. بناه الخديوى اسماعيل ويبعد كيلومترات من شمال وسط القاهرة، و كانت بتحيط بيه حقول زراعية وقرى ريفية. وبيمتد من محطة مترو سراى القبة لغاية محطة كوبرى القبة. وقصر القبة اتحول لاحد قصور رياسة الجمهورية بعد ثورة 23 يوليه.
الملكية
فى فترة حكم الخديوى توفيق كان القصر اللى اتولد فيه مكان لأفخم الاحتفالات وحفلات الزفاف الملكية، وكمكان يعبر فيه زواره عن شديد اعجابهم بجناينه الواسعه. وفى فترة حكم عباس حلمى التانى (من 1892 الى 1914) بقى القصر وجناينه زى قصر عابدين الرسمي.
ولما اعتلى فؤاد الاول عرش مصر فى 1917 بقى القصر مقر الاقامة الملكية الرسمي، وفى فترة اقامته فيه امر بشوية تغييرات على القصر، فأمر باضافة سور بارتفاع 6 أمتار حول 75 فدان من الاراضى وبوابة جديدة وجنينه خارجية، كمان أضيف محطة سكة حديد بالخصوص بالقطر الملكى فكان الزوار يأتون مباشرة اما من اسكندرية او من محطة مصر المركزية للقطارات فى القاهرة. وتوفى فؤاد الاول فى القصر ده.
واحتفظ الملك فاروق بمجموعاته البالخصوص فى القصر ده، فضمت مجموعات نادرة من الطوابع والساعات والمجوهرات منها بيضة فيبرجيه Fabergé egg واللى كانت بتخص اخر قياصرة روسيا مع تحف تانيه، ومعظم دى الأشياء اتباعت فى مزاد علنى فى سنة 1954 حضره الكثير من المهتمين بينهم مندوبون عن الملكة اليزابيث التانيه و أمير بيدوسيد قاسم .
الجمهورية
بعد ثورة 23 يوليه وما تلاها من اعلان الجمهورية بقى القصر احد القصور الرئاسية الثلاث الرئيسية فى مصر والقصران التانيين كانا قصر عابدين فى وسط القاهرة و قصر راس التين فى اسكندرية، و كان الريس جمال عبد الناصر بيستقبل الزوار الرسميين فى القصر ده، كما سجى جثمانه هناك بعد وفاته انتظار لجنازته فى تاريخ 1 اكتوبر 1970. و مازال القصر مقر رسمى لاقامة الزوار الرسميين لمصر.
شوف
- قصر القبة Archived 2009-10-14 at the Wayback Machine