Radiohead
Radiohead | |
---|---|
Radiohead (soldan sağa): Tom York, Conni Qrinvud, Kolin Qrinvud, Ed O’Brayen və Fil Seluey | |
Əsas məlumatlar | |
Üslub | alternativ rok, Britpop[d], eksperimental rok, elektronik-rok[d], art-rok, çeymber pop[d], art pop |
Ölkə |
|
Şəhər |
Abinqdon Oksfordşir |
Leybl | Parlophone, Capitol Records[d], XL Recordings[d] |
Heyət |
Tom York Conni Qrinvud Ed O’Brayen Kolin Qrinvud Fil Seluey |
www.radiohead.com | |
Radiohead — 1985-ci ildə İngiltərədə qurulmuş rok qrupu. Qrup Tom York, qardaşlar Conni Qrinvud və Kolin Qrinvud, Ed O'Brayen və Filip Selveydən ibarətdir. Onlar 1994-cü ildən prodüser Naycel Qodriç və kover rəssamı Stenli Donvud ilə işləyirlər.
1985-ci ildə qurulan qrupun ilk sinqlı 1992-ci ildə işıq üzü görmüş “Creep” oldu. Əvvəlcə çox diqqət çəkməyən mahnı qrupun debüt albomu Pablo Honey (1993) çıxandan sonra dünya miqyasında hit oldu və xüsusilə də radiolarda populyarlıq qazandı. Radiohead İngiltərədən kənarda "bir sinqllıq möcüzə" olaraq görülsə də, 1995-ci ildə çıxan "Bends" adlı ikinci albomu ilə böyük bir pərəstişkar bazası yaratdı. Qrup bu uğurun böyük qismini Tom Yorkun təsirli vokallarına və qrupun sıx gitara atmosferinə borcludurlar. Tom Yorkun falsetli vokalları fanatlar və tənqidçilər tərəfindən çox müsbət qarşılanmışdı. Radiohead-in üçüncü albomu olan “OK Computer" (1997) qrupa İngiltərədən də kənarda böyük populyarlıq qazandırdı . Həm zəngin musiqisi, həm də müasir dövrdə yadlaşma mövzularını əhatə edən "OK Computer" 1990-cı illərin ən məşhur albomlarından biri olaraq musiqi tənqidçiləri tərəfindən qəbul edilməklə yanaşı, bütün zamanların ən yaxşı albomlarından hesab olunur.
“Kid A" (2000) və “Amnesiac" (2001) albomları ilə qrup şöhrətinin zirvəsinə çatdı, lakin üslub dəyişiklikləri bəzi tənqidlərə səbəb oldu. Qrup "Kid A" və sonrakı albomlarda eksperimental elektron musiqi və caz musiqiyə meyl etdi. Altıncı albom "Hail to the Thief" (2003) gitara əsaslı rok və elektron musiqinin müasir lirika ilə harmoniyası hesab olunur.
Radiohead yeddinci albomunu buraxmazdan əvvəl EMI ilə müqaviləni yeniləmədi. Səsyazma şirkəti mübahisənin səbəbini qrupun çox pul tələb etməsi ilə əlaqələndirsə də, Tom York qrupun bloqu "Dead Air Space" üzərindən tələblərinin yalnız öz musiqiləri və musiqilərinin gələcəkdə necə istifadə ediləcəyi üzərində səlahiyyət istəyi olduğunu və çox pul tələb edilməsinin "böyük bir yalan" olduğunu bildirdi. Beləliklə, qrupun yeddinci albomu “In Rainbows" (2007) yalnız internet üzərindən satışa çıxarıldı. Musiqi bazarında ilk dəfə tətbiq olunan bir sistemlə qiymətləri təyin etmək qərarı müştərinin öhdəliyinə buraxdılar (pulsuz yükləmə də mümkün idi). Qrup 2011-ci ildə çıxan “The King of Limbs” albomunda ritm elementlərinə diqqət yönəltdi. Qrupun doqquzuncu albomu “A Moon Shaped Pool” 8 May 2016 tarixində işıq üzü gördü.
2005-ci ildə qrup Rolling Stone jurnalının "İndiyə qədər ən böyük sənətçilər" siyahısında 73-cü olub. Qrupun gitaraçılarından olan Conni Qrinvud və Ed O'Brayen həmin jurnalın "Bütün zamanların ən yaxşı 100 gitaraçısı" siyahısında 59-cu yeri tutublar.
Albomlar
- 1993: Pablo Honey
- 1995: The Bends
- 1997: OK Computer
- 2000: Kid A
- 2001: Amnesiac
- 2003: Hail to the Thief
- 2007: In Rainbows
- 2011: The King of Limbs
- 2016: A Moon Shaped Pool
Sinqllar
- Creep
- Anyone Can Play Guitar
- Pop Is Dead
- Stop Whispering
- The Bends
- My Iron Lung
- Street Spirit (Fade Out)
- Just
- Fake Plastic Trees
- High And Dry
- Paranoid Android
- Karma Police
- No Surprises
- Climbing Up The Walls
- Pyramid Song
- I Might Be Wrong
- There There
- 2+2=5