Xarici yuxu arteriyası: Redaktələr arasındakı fərq

Şablon:İnfoqutu Arteriya Xarici yuxu arteriyası (lat. arteia carotis externa) ümumi yuxu arteriyasının bir şaxəsi olub, ondan qalxanabənzər qığırdağın üst kənarı bərabərliyindən başlanğıc götürərək, döş-körpücük-məməyəbənzər əzələnin ön kənarı ilə yuxarıya döğru gedərək yuxu üçbucağına çatır, buradan çənəarxası çuxura keçərək qulaqaltı vəzinin kütləsini keçir və çənə boynu arxasında 3 şaxəyə ayrılır: səthi gicgah arteriyası — lat. a. temporalis superficialis və əng arteriyası — lat. a. maxillaris. Başlanğıcda daxili yuxu arteriyası daxili yuxu arteriyasından işəri tərəfdə yerləşsə də sonradan yuxarı doğru getdikcə bayır tərəfinə keşərək ondan bizəbənzər çıxıntı, biz-udlaq — lat. m. stylopharyngeus və biz-dil əzələləri — lat. styloglossus vasitəsilə ayrılır.

Şaxələri

Xarici yuxu arteriyası boyunun yuxarı qabaq nahiyəsinə, üzə və kəllənin divarlarına məxsus növbə ilə 9 şaxə verir:

1. lat. arteria thyreoidea superior — yuxarı qalxanabənzər arteriya;
2. lat. arteria lingualis — dil arteriyası;
3. lat. arteria fascialis — üz arteriyası;
4. lat. ramus sternocleidomastoideus — döş körpüçük-məməyəbənzər şaxə;
5. lat. arteria occipitalis — ənsə arteriyası;
6. lat. arteria auricularis posterior — qulaq seyvanının dal arteriyası;
7. lat. arteria pharyngea ascendeus — udlağın qalxan arteriyası;
8. lat. arteria temporalis superficialis — səthi gicgah arteriyası;
9. lat. arteria maxillaris — əng arteriyası.