Xalidu Sissoko
Xalidu Sissoko — (fr. Kalidou Sissokho; d/ 28 avqust 1978, Dakar) — Seneqal futbolçusu, qapıçı. 2004-cü ildə Azərbaycan vətəndaşlığını qəbul edib. Seneqal milli futbol komandasında çıxış edib.
| Xalidu Sissoko | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||
| Ümumi məlumatlar | |||||||||||||||||||
| Doğum tarixi | |||||||||||||||||||
| Doğum yeri | Dakar, Seneqal | ||||||||||||||||||
| Vətəndaşlığı |
 Seneqal Azərbaycan |
||||||||||||||||||
| Boyu | 186 sm | ||||||||||||||||||
| Çəkisi | 77 kq | ||||||||||||||||||
| Mövqeyi | qapıçı | ||||||||||||||||||
| Klub haqqında məlumat | |||||||||||||||||||
| Klub |
Bakı |
||||||||||||||||||
| Nömrəsi | 23 | ||||||||||||||||||
| Karyerası | |||||||||||||||||||
|
|||||||||||||||||||
|
|
|||||||||||||||||||
 Vikianbarda əlaqəli mediafayllar | |||||||||||||||||||
Bioqrafiya
redaktəXalidu Sissoko 1978-ci il 28 avqustda Seneqalın paytaxtı Dakarda anadan olub. Futbol oynamağa universitet komandasında başlayıb. İlk məşqçisi yerli mütəxəssis Assane Bax olub.
Klub karyerası
redaktəFuybolçu karyerasına 1994-cü ildə "Janna d’Ark" komandasında başlayıb. Elə həmin klubda 1998-ci ildə - 20 yaşında peşəkar karyerasının başlanğıcı olub. Karyerası ərzində yalnız iki klubun şərəfini qoruyan qapıçı "Bakı"ya qədər 6 il "Janna d’Ark"da çıxış edib. 2004-cü ilin yayında isə seneqallının rekordlarla və məqamlarla dolu Azərbaycan karyerasına start verilib. Bakı klubunda debütü 26 sentyabr 2004-cü ildə "Şəfa" komandası üzərində 3-0 hesablı qələbə ilə başlayıb.
Milli karyerası
redaktəSeneqal milli futbol komandasında 2003-cü ildə debüt edib. Ölkənin əsas yığmasının tərkibində 19 oyun keçirib. Həmçinin ölkənin gənclər yığmasında da çıxış edib.
O, 2002-ci ildə Seneqal yığmasının heyətində Yaponiya və Cənubi Koreyada təşkil olunmuş futbol üzrə dünya çempionatı turnirə yollanıb. Komandasının üçüncü qapıçısı olan Xalidu meydana çıxmaq şansı qazanmasa da, seneqallıların 1/4 finala qədər irəliləməsinə sevinib. Yarımfinalın bir addımlığında isə Sissokonu Türkiyə yığması dayandırıb. 2009-cu ildə Bakı klubunun heyətində Azərbaycan çempionu olan Xalidu Sissoko Azərbaycan çempionatları tarixində yeganə oyunçudur ki, dünya çempionatının final mərhələsində oynayıb.
Faktlar
redaktə- "Bakı"da debütü - 26.09.2004. "Şəfa" üzərində 3:0 hesablı qələbə.
- İlk 3 oyunda qol buraxmayan seneqallı birinci dəfə yalnız 4-cü oyununda "Bakılı" ilə matçda qapısında qol görüb – 7:2.
- Çıxış etdiyi ilk çempionatda 6 matçdan cəmi birində qol buraxıb.
- 2004/05 mövsümündə ölkə kubokunun qalibi. Lakin "İnter"lə final oyununda adı ilk "18-liy"ə də düşməyib.
- "Bakı"nın avrokuboklarda ilk "quru" oyununun müəllifi – 14.07.2005 "Jilina" (Slovakiya) ilə Bakıdakı matç – 1:0.
- "Jilina" ilə cavab matçının sonlarında qırmızı vərəqə alaraq, komandasını azlıqda qoyan Sissoko iki oyunluq avrokuboklardan kənarlaşdırılıb və növbəti mövsüm Çempionlar Liqasında oynaya bilməyib.
- 2006/07 mövsümünün 4-cü turunda "Xəzər-Lənkəran"la oyununda Sissokonun 985 dəqiqəlik "quru" seriyası qırılır. Bu nəticə Premyer Liqa tarixində ikinci nəticədir. Seriya zamanı qapıçı ardıcıl 10 oyunda qapısını toxunulmaz saxlayıb.
- Həmin matçda qırmızı vərəqə alan afrikalı lənkəranlılarla ikinci dövrə oyununda da meydandan qovulub. Lənkəranlı azarkeşlərlə söz davasına çıxan Xalidu özbaşına meydanı tərk etmək istəyib. Sanki küsüb oynamaq istəməyən qapıçıya yaxınlaşan Babək Quliyev onun topu tribunaya atmasını qırmızı vərəqə ilə cəzalandırıb.
- Ümumiyyətlə, Sissoko üçün Lənkəran cəhənnəmə bənzəyir. Hər dəfə onun yerli azarkeşlərlə münaqişəsi yaranır. Bəzən polislər Xaliduya ilişir, bəzən də afrikalı onların "bostanına daş atır".
- 2007-ci ildə "Birlik Kuboku"nda ardıcıl 3 "quru" oyun keçirməklə, Azərbaycan təmsilçilərinin rekorduna imza atıb.
- 2006/07 mövsümündə bürünc mükafatçı olub.
- Sissoko "Bakı" karyerasında 3 dəfə penaltilər seriyasının iştirakçısı olub. "Daçiya" (Moldova) ilə İntertoto, "MOİK" (Rusiya) ilə Birlik kuboku, "Qəbələ" ilə Azərbaycan kubokunda bakılıların rəqibinə uduzub. Moldovada 1:3, Moskvada 2:3, Qəbələdə 3:4.
- Sissoko "Bakı"dakı 4-cü qırmızı vərəqəni "İnter"lə 16-cı turun matçında alır.
- Daha bir dəfə "quru" seriyaya imza atan Xalidu 971 dəqiqəlik seriya ilə çempionatlar tarixinin üçüncü nəticəsini göstərib.
- Ötən il komandaya gələn yeni baş məşqçi Qyoko Hacievski tərəfindən cəzalandırılan Sissoko ikinci komandaya göndərilmişdi.
- 2008/09 mövsümündə Sissoko Azərbaycanda 5 mövsümdə 3-cü (2-ci dəfə qızıl medal) medalını qazandı.
- Premyer Liqanın 2008/09 mövsümündə ən azı oyunların yarısında – 13-də meydana çıxan qapıçılar arasında yalnız Sissoko 10-dan az top buraxıb və ən etibarlı qapıçı olub.
- Beş il ərzində "Bakı"da 99 oyun keçirən Sissoko Çempionlar Liqasının ilk qarşılaşmasında yubileyini qeyd edə bilər.
Sissokonun "Bakı" karyerası
redaktə
mövsüm | turnir | oyun | buraxılan qollar | sarı vərəqə | qırmızı vərəqə | quru oyunlar |
2004/05 | Çempionat | 6 | 2 | - | - | 5 |
| Kubok | 2 | 1 | - | - | 1 |
2005/06 | UEFA | 2 | 2 | - | 1 | 1 |
| Çempionat | 18 | 7 | 1 | - | 12 |
| Kubok | 3 | 3 | - | - | 2 |
2006/07 | Birlik | 4 | 4 | 1 | - | 3 |
| Çempionat | 21 | 7 | 4 | 2 | 16 |
| Kubok | 3 | 2 | - | - | 2 |
2007/08 | İntertoto | 2 | 2 | - | - | - |
| Çempionat | 17 | 16 | 4 | 1 | 7 |
| Kubok | 2 | 1 | 1 | - | 1 |
2008/09 | Çempionat | 18 | 9 | 2 | - | 13 |
| Kubok | 1 | 2 | - | - | - |
Cəmi | Çempionat | 80 | 41 | 11 | 3 | 53 |
| Kubok | 11 | 9 | 1 | - | 6 |
| Avrokubok | 4 | 4 | - | 1 | 1 |
| Birlik | 4 | 4 | 1 | - | 3 |
| YEKUN | 99 | 58 | 13 | 4 | 63 |