Ивица Вастич
Ивица Вастич (хорв. Ivica VastićIvica Vastić, 29 сентябрь 1969 йыл, Сплит) — Австрия футболсыһы һәм футбол тренеры, хорват милләтле, футболда — һөжүм итеүсе. 2009 йылда уйнауҙан туҡтаған. Австрия өсөнсө лигаһының «Вальдхофен/Ибс» клубында баш тренер булып эшләгән. «Аустрия»(Вена) юниорҙар командаһының баш тренеры булған. Һуңыраҡ, 2011 йылдың декабренән 2012 йылдың июненә тиклем, «Аустрия» беренсе командаһының баш тренеры булған. Хәҙер «Маттерсбург» командаһының етәксеһе.
Ивица Вастич | |
Зат | ир-ат |
---|---|
Гражданлыҡ |
|
Спортта ил өсөн сығыш яһай |
|
Псевдоним | Genç Semih |
Тыуған көнө | 29 сентябрь 1969[1][2] (54 йәш) |
Тыуған урыны | Сплит[d], Хорватия, Югославия Социалистик Федератив Республикаһы[d] |
Һөнәр төрө | футболсы, футбол тренеры |
Командалағы уйын позицияһы | ярым һаҡсы[d] һәм нападающий[d] |
Спорт командаһы ағзаһы | ЛАСК[d], Сплит[d], Аустрия[d], Адмира Ваккер[d], Фёрст[d], Санкт-Пёльтен[d], Дуйсбург (футбол клубы), Штурм[d], Нагоя Грампус[d], Сборная Австрии по футболу[d] һәм VSE St. Pölten[d] |
Масса | 78 килограмм |
Спорт төрө | футбол |
Ҡатнашыусы | Чемпионат мира по футболу 1998[d] һәм Футбол буйынса 2008 йылғы Европа чемпионаты[d] |
Лигала уйнай | Чемпионат Германии по футболу[d] |
Бейеклеге/буйы | 183 сантиметр |
Клуб карьераһы
үҙгәртергәВастич футболсы карьераһын «Юговинил» (хәҙерге «ГОШ Адриахем») һәм «Сплит» футбол клубтарында башлаған. 1991 йылда Австрияға китеп барған һәм унда «Ферст Виенну», «Санкт-Пельтен», «Адмиру/Ваккер» командалары өсөн уйнаған, ҡыҫҡа ғына ваҡыт бундеслигала «Дуйсбург» өсөн дә уйнаған.
Вастич 1994—2002 йылдарҙа «Штурм» командаһы составында уйнаған саҡта иң ҙур уңыштарға өлгәшкән. Был осорҙа ул ике тапҡыр Австрия чемпионы титулын һәм өс тапҡыр ил кубогын яулаған.
Бер сезон Японияла һәм ике тапҡыр Венаның «Аустрияһы» өсөн уйнағандан һуң Вастич Австрияның икенсе дивизионындағы «ЛАСК» клубына күскән. Бында ул ике тапҡыр дивизиондың иң шәп бомбардиры булған һәм 2006/07 сезонында клуб менән бергә Австрия Бундеслигаһына юллама яулап алған. 2007/08 сезонында клубтың иң яҡшы бомбардиры тип табылған, ул 32 матчта 13 гол индергән. 2009 йылдың йәйендә, 39 йәшендә уйнауҙан туҡтап, футболсы карьераһын тамамлаған.
2011 йылдың декабрь айында Вастич "Аустрияның"баш тренеры булып эшләй башлаған[3].
Йыйылма командалағы карьераһы
үҙгәртергә1996 йылда Вастич Австрия гражданлығына күсте һәм илдең йыйылма командаһы өсөн уйнай башланы. 1998 йылғы Донъя чемпионатында ул бөтә өс матчта уйнаған һәм бер тапҡыр гол индергән. 2005 йылға тиклем ул 46 матчта уйнаған һәм 12 гол индергән. Шунан һуң ул үҙенең халыҡ-ара карьераһын тамамлауы тураһында иғлан иткән.
2008 йылда ул үҙ майҙанында Австрия йыйылма командаһы өсөн Европа чемпионатында ҡатнашҡан. Был ярышта команданың беренсе голын ул индергән һәм континенталь футбол турнирҙарында уйнаған иң «ҡарт» (38 йәш һәм 257 көн) футболсы булған. Австрия йыйылма командаһы өсөн Вастич, барлығы 50 матчта уйнап, шуларҙа 14 гол индергән.
Шәхси тормошо
үҙгәртергәИвица Вастичтың ҡатыны Анни, уларҙың өс балалары бар. Өлкән улдары Антон — футболсы, Австрия йыйылма командаһы өсөн 21 йәше тулғансы уйнаған. 2013 йылда, Валерий Лобановскийҙың иҫтәлеге өсөн уҙған турнирҙа Украина командаһы ҡапҡаһына бер тапҡыр гол индереп, үҙ командаһына еңеү килтергән.
Ҡаҙаныштары
үҙгәртергәСтатистика
үҙгәртергәИҫкәрмәләр
үҙгәртергә- ↑ Ivica Vastic // Transfermarkt.com (билдәһеҙ) — 2000.
- ↑ Ivica Vastić // FBref.com (билдәһеҙ)
- ↑ «Аустрию» возглавил Вастич . Футбол на Куличках (22 декабрь 2011). Дата обращения: 22 декабрь 2011. Архивировано 15 март 2012 года.