D' Fuaßboi-Wejdmoastaschaft oda a Fuaßboi-WM is a Pokalbewerb im Fuaßboi, organisiert vo da FIFA, bei dem da Wejdmoasta im Fuaßboi eamittlt werd. Bei dem Turnier ko a jeds Land auf da Wejd ihre eigene Nationalmannschaft mitspuin lassn. Sie werd olle vier Joar in an andan Land ausdrong, as easchte Moi 1930 in Uruguay. Des letzte Tuanier woa de zwonsigste Fuaßboi-Wejdmoastaschaft in Brasilien.
Seit 1934 miassn Mannschaftn (bis auf de Gastgeber und launge Zeit da Titlverteidiga) sie in eanane Kontinente qualifiziern.
Do wean Gruppn zammad gmischt und gschaut, wer sie bei dene Gruppn am besten durchsetzn ko.
Es kinna si fia die WM Mannschaftn aus Europa, aus Nordamerika, aus Südamerika, vo Asien, vo Afrika und vo de Inseln im Pazifik fia d'nächste Runden qualifizian.
Zua Zeit hamm dafia insgesamt 32 Mannschaftn de Chance. Wenn de FIFA andas wui, ko des aba jedazeit gändert wern.
Gruppnphase: In genau acht Gruppn (bei 32 Mannschaftn) wern in drei Spiele fia a jede Mannschaft gschaud, wer da beste und da zwoatbeste vo viere is. De easchtn zwoa san a Rundn weida. De andern san ausgschiedn. Am End vo da Gruppnfase, san oiso no hoibad so vui Mannschaftn dabei, wia am Anfang.
Achtlfinale: De restlichen 16 Mannschaftn san nach a erfolgreichn Gruppnphase im Achtelfinale und miaßen gegen Mannschaftn aus andern Gruppn spuin. Da Siega kummt oa Rundn weida. Da Faliera is ausgschiedn. Am End vom Achtlfinale san nur no acht Mannschaften dabei.
Viertlfinale: Acht Mannschaftn, de wos as Achtlfinale ibastandn ham, miaßen wieda gegneinander spuin. De Siega san a Rundn weida.
Hoibfinale: De letzten via Mannschaftn vo de anfangs zwoaradreißge keana no Wejdmoasta wern. As easchta miaßens no an andan Siega vo den Viertlfinale raushaun.
Spui um Platz Drei: Do spuin de Faliera vom Hoibfinale.
Finale: Des Finale is oans vo de gräßten Sportereignisse auf da ganzen Wejd. Des schaung üba a Milliarde Laid o. Wea des Spui gwinnt, der ko via Joar vo se song, dass a Wejdmoasta is. In dem Spui kumma de Siega vom Hoibfinale zam.
1Bei da WM 1950 hods ka Endspü in dem Sinn gebn. Es woa am Ende a Gruppn mid via Mannschaftn. Brasilien hod seine easchtn beiden Spüle hoch gwunna - Uruguay hod amoi unentschiedn gspüt und amoi knopp gwunna. Fost olle Brasilianer hom si scho ois Wejdmoasta gsehn, oba Uruguay hod 2:1 gwunna und is somit Wejdmoasta gwoan.
de Brasilianer ham scho fümf WMs gwunnan, auf dem Büdl di Wejdmoastamannschaft vo 1970
Die meistn Titel ham die Brasilianer gwunna, nämli fünf. Danach kumma die Italiener mit fia Titln und dannat die Deitschen, die schu drei Titl gwunna ham. Die Östareicher und die Schweiza ham nu goar kane Wejdmoastaschaft gwunna. In da ewign Dabelln han die Brasilianer vorne, die Deitschen han vor Italien und Östarreich is irgndwo in da Mittn. Bis jez san nua Mannschaftn aus Europa und Südamerika Wejdmoasta gwuan. Es is aa no nie a Mannschaft von am andan Eadteu ins Finale kumman.
Hartmann, Waldemar / Netzer, Günter / Kauer, Robert: Menschen, Tore & Sensationen. Geschichte und Geschichten. WM 1930–2006, Wero Press, Juli 2002, 268 Seiten (ISBN 3-9806973-7-1)
Schulze-Marmeling, Dietrich / Dahlkamp, Hubert: Die Geschichte der Fußball-Weltmeisterschaft 1930–2006, Die Werkstatt, April 2004, 560 Seiten (ISBN 3-89533-461-8)