Vuobelės

Versija spausdinimui nebėra palaikoma ir gali turėti atkūrimo klaidų. Prašome atnaujinti savo interneto naršyklės žymes ir naudoti numatytąją interneto naršyklės spausdinimo funkciją.

Tas straipsnis īr aple augala. Aple opi veiziekėt Vuobelės (opės)

Vuobelės (luotīnėškā: Malus domestica, lietovėškā: obelis) ī suodnu ė laukū medis. Muokslėškā prėgol prī ėrškėitėniu augalū šeimīnas. Vuobelės ī nuogniausē svietė augėnams vaismedis, ons ved rauduonuos, geltuonuos aba žaliuos spalvuos vaisius - vuoboulius. Patėis medė aukštoms būn vairos: terp 5 ė 12 metru. Vainėks platos ī, šakas žemas.

Par omžius ėšvest gausoms vuobelū veisliu: ont vėinū der onkstīvi vuoboulē (pvz., alīvėnē der jau vasaras vėdorie), kėtas ved vaisus vasaras pabonguo (grapšteinā), vuo da kėtas lėgė vielība rodenė (ontanėnē). Diel sava derloma vuobelis aug zars kuožnuo suodībuo.