Пінская дыяцэзія
Пінская дыяцэзія | |
---|---|
лац.: Dioecesis Pinskensis Latinorum | |
| |
Лацінскі абрад | |
Галоўны горад | Пінск |
Краіна |
|
Дата заснавання | 1925 |
Кафедральны сабор | Сабор Унебаўзяцця Найсвяцейшай Дзевы Марыі |
Мітраполія | Мінска-Магілёўская |
Парафій | 84 |
Іерарх | Антоній Дзям'янка |
Плошча дыяцэзіі | 72 700 км² |
Насельніцтва дыяцэзіі | 3 108 000 чал. |
Колькасць каталікоў | 50 115 |
Доля каталікоў | 1,6 % |
Афіцыйны сайт | pcd.by/be/ |
Пі́нская дыяцэ́зія (лац.: Dioecesis Pinskensis Latinorum) — каталіцкая дыяцэзія (епархія) у Беларусі. Створана 28 кастрычніка 1925, уваходзіць у склад Мінска-Магілёўскай мітраполіі. Сёння Пінская дыяцэзія займае тэрыторыю Брэсцкай і Гомельскай абласцей. Цэнтр у Пінску. Дыяцэзія аб’ядноўвае Баранавіцкі, Брэсцкі, Гомельскі, Ляхавіцкі, Мазырскі, Пінскі і Пружанскі дэканаты.
Гісторыя
[правіць | правіць зыходнік]Першая спроба заснаваць дыяцэзію з цэнтрам у Пінску была зробленая ў 1794 годзе магілёўскім архібіскупам Станіславам Богуш-Сестранцэвічам. Аднак у 1798 годзе папскі нунцый у Расіі Л. Літа адмяніў дыяцэзію як некананічна створаную. У тым жа годзе на падставе папскай булы і імператарскага ўказа была заснавана Мінская рымска-каталіцкая дыяцэзія, у склад якой увайшла тэрыторыя ліквідаванай Пінскай рымска-каталіцкай дыяцэзіі.
Пазней, у 1917 годзе Мінская дыяцэзія была адноўленая, аднак у пачатку 1920-х гадоў яе біскуп Зігмунд Лазінскі быў вымушаны пакінуць Мінск і шукаць новую рэзідэнцыю, якой стаў Пінск у межах Польшчы. 28 кастрычніка 1925 года Папа Пій XI апостальскай канстытуцыяй «Vixdum Poloniae unitas» была створана Пінская дыяцэзія, якая фактычна існавала да 1939 года, фармальна да 1946 года (года смерці біскупа). Дыяцэзіяй кіравалі біскупы пінскія: Зігмунд Лазінскі (1925—1932), Казімір Букраба (1932—1946).
У 1991 годзе епархія адноўлена ў межах Брэсцкай і Гомельскай абласцей у падначаленні Мінска-Магілёўскай архідыяцэзіі.
Біскупы
[правіць | правіць зыходнік]- Зігмунд Лазінскі (1925—1932)
- Казімір Букраба (1932—1946)
- Караль Няміра (дапаможны біскуп у 1933—1946)
- Уладзіслаў Яндрушук (з 1962 — дапаможны біскуп, з 1967 па 1991 — апостальскі адміністратар)
- Казімір Свёнтак (апостальскі адміністратар з 1991)
- Казімір Велікаселец (дапаможны біскуп з 1999)
- Тадэвуш Кандрусевіч (апостальскі адміністратар з 2011)
- Антоній Дзям’янка (ардынарый з 2012)
Дэканаты
[правіць | правіць зыходнік]- Баранавіцкі дэканат
- Брэсцкі дэканат
- Гомельскі дэканат
- Ляхавіцкі дэканат
- Мазырскі дэканат
- Пінскі дэканат
- Пружанскі дэканат
Навучальныя ўстановы
[правіць | правіць зыходнік]- Вышэйшая духоўная семінарыя імя святога Тамаша Аквінскага
- Катэхетычны каледж імя Зыгмунта Лазінскага