QRpedia
QRpedia — сістэма на базе мабільнага інтэрнэту, якая выкарыстоўвае QR-коды для прадастаўлення карыстальнікам артыкулаў Вікіпедыі на іх родных мовах[1][2].
Працэс
Калі карыстач скануе QR-код QRpedia сваёй мабільнай прыладай, яна дэкадуе QR-код у спасылку, якая выкарыстоўвае даменнае імя «qrwp.org» і ўказвае на загаловак артыкула Вікіпедыі, а таксама пасылае запыт на артыкул, паказаны па спасылцы, на сервер QRpedia, перадаючы заадно моўныя налады прылады[3].
Сервер QRpedia, атрымаўшы гэту інфармацыю, выкарыстоўвае API Вікіпедыі[1], каб вызначыць, ці ёсць артыкул на мове прылады, і калі так, то перадае артыкул у фармаце, зручным для чытання з мабільнага[3]. Калі не існуе перакладу запытанага артыкулу, QRpedia прапануе выканаць пошук па загалоўку артыкула ў патрэбным моўным раздзеле Вікіпедыі, і вяртае вынік.
Такім чынам, адзін QR-код можа вярнуць адзін і той жа артыкул на многіх мовах[3]. QRpedia таксама збірае статыстыку выкарыстання[3].
Паходжанне
QRpedia была задумана Роджэрам Бамкінам[1], старшынёй Вікімедыя Вялікабрытанія[4], і Тэрэнсам Эдэнам[1], кансультантам па мабільным інтэрнэце[5], і была прадстаўлена на мерапрыемстве Музея і мастацкай галерэі Дэрбі Backstage Pass[1][5] ў гонар супрацоўніцтва паміж музеем і Вікіпедыяй[6] 9 красавіку 2011[7][1]; ў рамках сумеснага праекта[8] па паляпшэнню Вікіпедыі за напісанне і паляпшэнне артыкулаў, звязаных з музеем, вясной-летам 2011 года будуць уручаны прызы. Тэксты напісаных у рамках праекта артыкулаў будуць даступныя наведвальнікам музея праз QR-коды з дапамогай сістэмы[9].
Назва сістэмы мае англамоўныя карані і спалучае ў сабе QR (ад англ.: Quick Response, хуткі водгук) і -pedia ад «Вікіпедыя».
Зыходны код праекта вольны і можа выкарыстоўвацца паўторна як размешчаны пад ліцэнзіяй MIT[10].
Рэалізацыя
На жнівень 2011 QRpedia выкарыстоўваюць
- Дзіцячы музей Індыянопаліса[2][11]
- Музей і мастацкая галерэя Дэрбі[3]
- Фонд Жуана Міро[3][12], у тым ліку перасоўная выстаўка галерэі Тэйт[3].
Зноскі
- ↑ а б в г д е Eden, Terence. Introducing QRpedia (3 красавіка 2011). Праверана 25 August 2011.
- ↑ а б Anon. The Children's Museum of Indianapolis Creates New Learning Opportunities through Wikipedian-in-Residence(недаступная спасылка). The Children's Museum of Indianapolis (19 жніўня 2011). Архівавана з першакрыніцы 29 сакавіка 2012. Праверана 25 August 2011.
- ↑ а б в г д е ё Byrd Phillips, Lori. Going Multilingual with QRpedia(недаступная спасылка). Marcus Institute for Digital Education in the Arts (15 чэрвеня 2011). Архівавана з першакрыніцы 26 жніўня 2012. Праверана 25 August 2011.
- ↑ Board . Wikimedia Foundation. Wikimedia UK. Праверана 25 August 2011.
- ↑ а б Anon. Quiet Realities(недаступная спасылка). Imperica (21 мая 2011). Архівавана з першакрыніцы 29 мая 2011. Праверана 25 August 2011.
- ↑ Various. Derby Backstage Pass . Wikimedia Foundation. Wikimedia UK. Праверана 25 August 2011.
- ↑ Various. Wikipedia:GLAM/Derby/QR code experiment . Wikipedia. Праверана 25 August 2011.
- ↑ Wikipedia:GLAM/Derby/Multilingual Challenge
- ↑ Derby Museums and Wikipedia Join Forces to Improve Content (англ.)(недаступная спасылка). Архівавана з першакрыніцы 4 чэрвеня 2011. Праверана 3 мая 2011.
- ↑ qrwp - QR Redirection to Wikipedia . Google Project Hosting. Праверана 25 August 2011.
- ↑ Byrd Phillips, Lori. QR codes + Wikipedia = QRpedia(недаступная спасылка). The Children's Museum of Indianapolis (29 ліпеня 2011). Архівавана з першакрыніцы 26 верасня 2011. Праверана 25 August 2011.
- ↑ Hinojo, Alex. QRpedia Codes at Fundació Joan Miró(недаступная спасылка). The GLAM-Wiki Experience (11 мая 2011). Архівавана з першакрыніцы 26 жніўня 2012. Праверана 25 August 2011.
Спасылкі
На Вікісховішчы ёсць медыяфайлы па тэме QRpedia
- QRpedia — згенераваць QR-коды са спасылкамі на QRpedia
- QRcode.by — дынамічны QR-код Беларусі
- http://twitter.com/QRpedia