Ігар Мікалаевіч Крывушэнка
| |||||||||||||||||||||||||||||||||||||
Агульная інфармацыя | |||||||||||||||||||||||||||||||||||||
Поўнае імя | Ігар Мікалаевіч Крывушэнка | ||||||||||||||||||||||||||||||||||||
Нарадзіўся |
10 лютага 1964 (60 гадоў) |
||||||||||||||||||||||||||||||||||||
Грамадзянства |
|
||||||||||||||||||||||||||||||||||||
Пазіцыя | абаронца | ||||||||||||||||||||||||||||||||||||
Інфармацыя пра клуб | |||||||||||||||||||||||||||||||||||||
Клуб |
|
||||||||||||||||||||||||||||||||||||
Пасада | галоўны трэнер | ||||||||||||||||||||||||||||||||||||
Клубная кар’ера[* 1] | |||||||||||||||||||||||||||||||||||||
|
|||||||||||||||||||||||||||||||||||||
Трэнерская кар’ера | |||||||||||||||||||||||||||||||||||||
|
|||||||||||||||||||||||||||||||||||||
|
І́гар Мікала́евіч Крывушэ́нка (нар. 10 лютага 1964, Мінск) — беларускі футбаліст (абаронца) і трэнер. У 2017—2019 гадах — галоўны трэнер нацыянальнай зборнай Беларусі. У цяперашні час працуе галоўным трэнерам барысаўскага БАТЭ.
Гульнявая кар’ера
[правіць | правіць зыходнік]Выхаванец футбольнай школы СДЮШАР-5 (Мінск). Першы трэнер — Міхаіл Мустыгін. Гуляў за юнацкую зборную СССР. Выступаў за дубль мінскага «Дынама» (1980—1984), гродзенскі «Хімік» (1985—1987), фрунзенскую «Алгу» (1988), акцюбінскі «Акцюбінец» (1989), алданскі «Металург» (1990—1993), якуцкае «Дынама» (1994—1995, ігрок-трэнер), «Селенгу» Улан-Удэ (1996), магілёўскае «Тарпеда-Кадзіна» (1997).
Трэнерская кар’ера
[правіць | правіць зыходнік]Працаваў трэнерам «Тарпеда-Кадзіна» (1998), трэнерам фарм-клуба «Змена-БАТЭ» (1999—2000). З 2001 па 2004 год трэніраваў дублюючы склад БАТЭ. З 2005 па 2007 год — галоўны трэнер БАТЭ. З 13 лістапада 2007 года па верасень 2008 года — галоўны трэнер мінскага «Дынама». З 20 снежня 2008 года па 9 мая 2011 года — галоўны трэнер новасібірскай «Сібіры», якая ў 2010 годзе выступала ў расійскай Прэм’ер-лізе. З 2011 года галоўны трэнер узбекскага клуба «Шуртан». З 2012 года быў галоўным трэнерам жодзінскага «Тарпеда-БелАЗ».
1 сакавіка 2017 года быў прызначаны выканаўцам абавязкаў галоўнага трэнера нацыянальнай зборнай Беларусі з захаваннем пасады галоўнага трэнера ў «Тарпеда-БелАЗ»[1], а 22 сакавіка зацверджаны выканкамам БФФ на пасадзе[2]. У ліпені 2017 года Ігар Мікалаевіч пакінуў пасаду галоўнага трэнера «Тарпеда-БелАЗ», правёўшы развітальную таварыскую гульню з узбекскім футбольным клубам «Алмалык»[3], і сканцэнтраваўся на працы ў зборнай.
Пад кіраўніцтвам Крывушэнкі зборная Беларусі заняла апошняе месца ў адборачнай групе да чэмпіянату свету 2018, прапусціўшы наперад у тым ліку зборную Люксембурга. Тым не менш, у лістападзе 2017 года кантракт з трэнерам быў падоўжаны на наступны год[4]. У 2018 годзе зборная Беларусі перамагла ў сваёй групе ў дывізіёне D Лігі нацый, не прапусціўшы ніводнага мяча, аднак у 2019 стартавала адбор да чэмпіянату Еўропы 2020 з чатырох паражэнняў запар. 13 чэрвеня 2019 года па пагадненні з кіраўніцтвам АБФФ Крывушэнка пакінуў пасаду гадоўнага трэнера нацыянальнай зборнай[5].
У снежні 2019 года стаў галоўным трэнерам інданезійскага клуба «ТІРА-Персікаба»[6] (на наступны год клуб перайменаваны ў «Персікаба 1973»). У лістападзе 2021 года быў адпраўлены ў адстаўку[7].
У снежні 2022 года ўзначаліў брэсцкае «Дынама»[8]. Пад кіраўніцтвам Крывушэнкі клуб запрасіў вопытных ігракоў і значна ўзмацніў склад перад новым сезонам, аднак пачатак сезона апынуўся правальным — каманда прайграла першыя чатыры матчы з агульным лікам 0:7. У красавіку 2023 года кантракт клуба са спецыялістам быў разарваны[9].
У маі 2023 года ўвайшоў у трэнерскі штаб праекта Super Bol у Казахстане[10].
У студзені 2024 года стаў галоўным трэнерам барысаўскага БАТЭ[11].
Дасягненні
[правіць | правіць зыходнік]- Чэмпіён Беларусі: 2006, 2007
- Уладальнік Кубка Беларусі (2): 2006, 2016
- Фіналіст Кубка Беларусі: 2005, 2007
- Пераможца першага дывізіёна чэмпіянату Расіі: 2009
- Фіналіст Кубка Расіі: 2009
Крыніцы
[правіць | правіць зыходнік]- ↑ Игорь Криушенко назначен исполняющим обязанности главного тренера сборной Беларуси (руск.). football.by (1 сакавіка 2017). Праверана 22 студзеня 2024.
- ↑ Игорь Криушенко официально утвержден в должности главного тренера сборной Беларуси (руск.). football.by (22 сакавіка 2017). Праверана 22 студзеня 2024.
- ↑ «Торпедо-БелАЗ» – «Алмалык». После матча прошло чествование Криушенко (руск.). by.tribuna.com.
- ↑ Игорь Криушенко останется главным тренером сборной Беларуси по футболу (руск.)(недаступная спасылка). TUT.BY (13 чэрвеня 2019).
- ↑ Игорь Криушенко отправлен в отставку (руск.). football.by (13 чэрвеня 2019). Праверана 22 студзеня 2024.
- ↑ Официально: Игорь Криушенко возглавил индонезийский "Тира Персикабо" (ФОТО) (руск.). football.by (7 снежня 2019). Праверана 22 студзеня 2024.
- ↑ "Персикабо 1973" уволил Криушенко (руск.). football.by (23 лістапада 2021). Праверана 22 студзеня 2024.
- ↑ Игорь Криушенко возглавил бресткое "Динамо" (руск.). football.by (10 снежня 2022). Праверана 22 студзеня 2024.
- ↑ Криушенко покинул пост главного тренера брестского "Динамо" (руск.). football.by (18 красавіка 2023). Праверана 22 студзеня 2024.
- ↑ Игорь Криушенко подтвердил, что продолжит карьеру в Казахстане (руск.). football.by (3 мая 2023). Праверана 22 студзеня 2024.
- ↑ Игорь Криушенко спустя 16 лет вновь возглавил БАТЭ (руск.). football.by (4 студзеня 2024). Праверана 22 студзеня 2024.
- Нарадзіліся 10 лютага
- Нарадзіліся ў 1964 годзе
- Нарадзіліся ў Мінску
- Асобы
- Спартсмены паводле алфавіта
- Футбалісты паводле алфавіта
- Футбольныя трэнеры паводле алфавіта
- Футбалісты Беларусі
- Ігракі ФК Дынама Мінск
- Ігракі ФК Нёман Гродна
- Ігракі ФК Ліда
- Ігракі ФК Алга Бішкек
- Ігракі ФК Актабэ
- Ігракі ФК Металург Алдан
- Ігракі ФК Якуція
- Ігракі ФК Селенга Улан-Удэ
- Ігракі ФК Тарпеда Магілёў
- Футбольныя трэнеры Беларусі
- Трэнеры ФК Мінск
- Трэнеры ФК БАТЭ
- Трэнеры ФК Дынама Мінск
- Трэнеры ФК Сібір Новасібірск
- Трэнеры ФК Шуртан
- Трэнеры ФК Тарпеда-БелАЗ
- Трэнеры зборнай Беларусі па футболе
- Трэнеры ФК Персікаба 1973
- Трэнеры ФК Дынама Брэст