Друскінінкай
Горад
| ||||||||||||||||||||||||||||||||||
Друскінінкай (літ.: Druskininkai, беларуская назва — Друске́нікі) — горад у Алітускім павеце Літвы. Стаіць на Нёмане, паблізу ад мяжы з Беларуссю і Польшчай. Знаходзіцца за 129 км ад Вільнюса і за 42 км ад Гродна. Адносіцца да этнаграфічнага рэгіёну Дзукія. Курорт.
З восені 1939 года па восень 1940 года быў у складзе БССР.
Гісторыя
[правіць | правіць зыходнік]Упершыню горад узгадваецца ў 1563 годзе, але археалагічныя даследаванні выявілі існаванне прускіх паселішчаў яшчэ раней. Тут нават існаваў прускі горад, які ў 1308 годзе згарэў, пасля чаго наваколле абязлюдзела.
З XIV стагоддзя горад увайшоў у склад Вялікага Княства Літоўскага. У 1793 годзе Друскенікі атрымалі статус курорта, пасля таго, як уласны ўрач караля і вялікага князя Станіслава Аўгуста Панятоўскага пацвердзіў лекавыя ўласцівасці мясцовых мінеральных крыніц.
У Расійскай імперыі
[правіць | правіць зыходнік]Пасля падзелаў Рэчы Паспалітай горад трапіў у склад Расійскай імперыі. У 1837 годзе па загадзе расійскага цара Мікалая I тут пачалося будаўніцтва курортных пабудоў. Хутка курорт атрымаў вялікую папулярнасць.
У Польскай Рэспубліцы
[правіць | правіць зыходнік]Пасля Першай сусветнай вайны горад адышоў да Польскай Рэспублікі.
Утвараў гарадскую гміну ў Гродзенскім павеце Беластоцкага ваяводства. У 1934 годзе ў Друскенікі была пракладзена чыгунка (адгалінаванне ад станцыі Парэчча).
У БССР
[правіць | правіць зыходнік]У лістападзе 1939 года Друскенікі былі далучаны да Беларускай ССР. У 1940 годзе — цэнтр сельскага і пасялковага саветаў у Парэцкім раёне Беластоцкай вобласці БССР.
У Літоўскай ССР і Літве
[правіць | правіць зыходнік]1—2 кастрычніка 1940 года горад быў перададзены Літоўскай ССР. З 1990 года Друскінінкай ўтварае асобную адміністрацыйную адзінку, якой кіруе непасрэдна літоўскі ўрад.
Клімат
[правіць | правіць зыходнік]Клімат Друскінінкая адрозніваецца прахалодай. У летнія месяцы паветра рэдка прграваецца вышэй +22 °C. Узімку — у сярэднім да −3 °C. Аднак, нягледзячы на такі тэмпературны рэжым, турысты прыязджаюць сюды ўвесь год, бо бальнеялагічныя цэнтры, дзе можна аздаравіцца, адкрыты цэлы год.
Клімат Друскінінкая | |||||||||||||
---|---|---|---|---|---|---|---|---|---|---|---|---|---|
Паказчык | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | Год |
Абсалютны максімум, °C | 9,5 | 14,8 | 20,2 | 27,9 | 31,4 | 32,8 | 34,9 | 35,1 | 30,9 | 23,9 | 16,7 | 10,9 | 35,1 |
Сярэдні максімум, °C | −3,6 | −1,4 | 4,5 | 11,7 | 18,9 | 21,0 | 22,2 | 22,1 | 17,7 | 11,8 | 4,0 | 0,0 | 10,4 |
Сярэдняя тэмпература, °C | −5,2 | −4,3 | −0,4 | 5,8 | 12,4 | 15,8 | 16,9 | 16,4 | 11,9 | 7,1 | 1,8 | −2,3 | 6,3 |
Сярэдні мінімум, °C | −8,5 | −7,6 | −3,6 | 1,8 | 7,3 | 10,9 | 12,4 | 11,8 | 8,1 | 4,0 | −0,5 | −4,9 | 2,6 |
Абсалютны мінімум, °C | −35,8 | −36,3 | −26,3 | −12 | −3,7 | 0,1 | 2,1 | 0,3 | −3 | −13,7 | −16,7 | −28,5 | −36,3 |
Норма ападкаў, мм | 39 | 31 | 35 | 42 | 55 | 69 | 80 | 78 | 56 | 45 | 53 | 47 | 630 |
Крыніца: Кліматычныя даныя |
Славутасці
[правіць | правіць зыходнік]- Парк Грутас — музей савецкага мінулага
Вядомыя асобы
[правіць | правіць зыходнік]- Жак Ліпшыц (1891—1973) — французскі скульптар
- Анатоль Анатольевіч Янец (нар. 1950) — беларускі дзяржаўны дзеяч.
Зноскі
- ↑ Resident population by city / town at the beginning of the year — State Data Agency of Lithuania, 2023. Праверана 12 лютага 2023.
Спасылкі
[правіць | правіць зыходнік]На Вікісховішчы ёсць медыяфайлы па тэме Друскінінкай