Абдул Муслім Магаметавіч Магамаеў
Абдул Муслім Магаметавіч Магамаеў | |
---|---|
азерб.: Əbdülmüslüm Məhəmməd oğlu Maqomayev | |
| |
Род дзейнасці | дырыжор, кампазітар, педагог, драматург |
Дата нараджэння | 6 (18) верасня 1885 |
Месца нараджэння | |
Дата смерці | 28 ліпеня 1937[1] (51 год) |
Месца смерці | |
Месца пахавання | |
Грамадзянства | |
Веравызнанне | іслам |
Дзеці | Q16366304? і Magomed Magomaev[d] |
Месца працы | |
Альма-матар | |
Узнагароды і прэміі | |
Аўтограф |
|
Абдул Муслім Магаметавіч Магамаеў (6 (18) верасня 1885, Грозны — 28 ліпеня 1937, Нальчык) — азербайджанскі кампазітар і дырыжор, Заслужаны дзеяч мастацтваў Азербайджанскай ССР (1935), адзін з заснавальнікаў азербайджанскай класічнай музыкі, яго імем названа Азербайджанская дзяржаўная філармонія. Дзед спевака Мусліма Магамаева.
З дзяцінства захапляўся музыкай, удзельнічаў у школьнай музычнай самадзейнасці, граў у аркестры Закаўказскай настаўніцкай семінарыі, там пазнаёміўся з Узеірам Гаджыбекавым, блізкае сяброўства з якім падтрымліваў ўсё жыццё. Пасля заканчэння семінарыі працаваў настаўнікам спачатку на Паўночным Каўказе, а пасля ў Азербайджане, дзе пасля здачы экстэрнам экзаменаў у Тыфліскім настаўніцкім інстытуце жыў у Баку. Там ён увайшоў у склад мясцовай опернай трупы пад кіраўніцтвам Гаджыбекава спачатку ў якасці музыканта, пазней — дырыжора і кіраўніка тэатра. У далейшым займаў адказныя пасады ў Наркамаце асветы Азербайджанскай ССР.
Напісаў дзве оперы — «Шах Ісмаіл» і «Наргіз». У творчасці Магамаева прасочваецца ўплыў нацыянальнага мастацтва Азербайджана, якім ён цікавіўся з ранніх гадоў. Таксама ён з'яўляецца аўтарам каля трохсот сімфанічных апрацовак народных азербайджанскіх танцаў, песень і іншых мелодый.
Памёр 28 ліпеня 1937 года ў Нальчыку ад сухотаў.
Зноскі
- ↑ Muslim Magomayev // Musicalics
Літаратура
[правіць | правіць зыходнік]- Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).