Мікалай Іванавіч Пятроў
Мікалай Іванавіч Пятроў | |
---|---|
руск.: Николай Иванович Петров | |
| |
Дата нараджэння | 12 красавіка 1840 ці 24 красавіка 1840[1] |
Месца нараджэння | |
Дата смерці | 20 чэрвеня 1921[2] (81 год) |
Месца смерці | |
Месца пахавання | |
Грамадзянства | |
Род дзейнасці | гісторык, гісторык царквы, літаратуразнавец, мастацтвазнавец, этнограф, выкладчык універсітэта, літаратар |
Навуковая сфера | гісторыя хрысціянства[d][3], літаратуразнаўства[3], мастацтвазнаўства[3] і этнаграфія[3] |
Месца працы | |
Альма-матар | |
Член у | |
Прэміі | |
Узнагароды | |
Мікалай Іванавіч Пятро́ў[4] (руск.: Николай Иванович Петров; 12 красавіка 1840 — 20 чэрвеня 1921) — вучоны, гісторык, літаратуразнавец, этнограф, доктар багаслоўя (1876), доктар рускай мовы і славеснасці (1907), член-карэспандэнт Пецярбургскай акадэміі навук (1916), акадэмік Украінскай акадэміі навук (1919).
Біяграфія
[правіць | правіць зыходнік]Нарадзіўся ў сяле Вазнясенскае Макар’еўскага павета Кастрамской губерні. У 1850—1856 гадах вучыўся ў Макар’еўскім духоўным вучылішчы, у 1856—1861 — у Кастрамской духоўнай семінарыі[5]. У 1865 годзе скончыў Кіеўскую духоўную семінарыю. Быў прызначаны выкладчыкам славеснасці і лацінскай мовы ў Валынскую духоўную семінарыю, з 12 жніўня 1868 года сакратар яе праўлення, з 7 лістапада — магістр багаслоўя[5]. З 1870 года выкладаў у Кіеўскай духоўнай акадэміі. З 24 красавіка 1870 года — дацэнт, з 17 верасня — экстраардынарны прафесар кафедры тэорыі славеснасці і гісторыі расійскай літаратуры[5]. З 1872 года года займаў пасаду сакратара Царкоўна-гістарычнага і археалагічнага таварыства пры акадэміі. Адначасова ў 1870—1873 гадах выкладчык рускай мовы ў Кіеўскім пяхотным юнкерскім вучылішчы. У 1873 годзе быў абраны членам Савета Кіеўскай духоўнай акадэміі. У 1875 годзе абараніў дысертацыю і атрымаў ступень доктара багаслоўя і ў 1876 годзе званне ардынарнага прафесара Кіеўскай духоўнай акадэміі. У 1890—1911 гадах уваходзіў у склад яе праўлення; з 4 жніўня 1895 года — заслужаны ардынарны прафесар; з 1912 года — ганаровы прафесар[5]. 10 мая 1907 года вучоным саветам Харкаўскага ўніверсітэта М. І. Пятрову прысуджана ступень доктара рускай мовы і славеснасці. У 1916 годзе абраны членам-карэспандэнтам Петраградскай акадэміі навук і зацверджаны ў званні ганаровага члена Маскоўскай духоўнай акадэміі; 14 верасня 1918 года абраны акадэмікам Украінскай акадэміі навук[5].
Памёр М. І. Пятроў 20 (ці 21)[5] чэрвеня 1921 года. Пахаваны ў Кіеве.
Навуковая і грамадская дзейнасць
[правіць | правіць зыходнік]Аўтар прац па царкоўнай гісторыі, археалогіі, літаратуразнаўству, этнаграфіі, філалогіі, музейнай справе, гісторыі тэатра і інш. Быў членам 40 навуковых таварыстваў, у тым ліку Рускага археалагічнага таварыства, Гістарычнага таварыства Нестара-летапісца, Украінскага навуковага таварыства ў Кіеве[5].
У 1884—1887 гадах рэдагаваў «Киевские епархиальные ведомости»[5].
Зноскі
- ↑ Library of Congress Authorities — Library of Congress. Праверана 8 жніўня 2024.
- ↑ а б Петров Николай Иванович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ а б в г Czech National Authority Database Праверана 7 лістапада 2022.
- ↑ БелЭн 2001.
- ↑ а б в г д е ё ж Николай Иванович Петров // Православная энциклопедия «Азбука веры» (руск.)
Літаратура
[правіць | правіць зыходнік]- Кірэеў В. Р. Пятроў Мікалай Іванавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 168. — 10 000 экз. — ISBN 985-11-0035-8. — ISBN 985-11-0216-4 (т. 13).
Спасылкі
[правіць | правіць зыходнік]- Профіль Мікалая Іванавіча Пятрова на афіцыйным сайце РАН
- Петров, Николай Иванович // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
- Петров Николай Иванович (1840—1921), педагог, историк, литературовед, этнограф, искусствовед; Член-корреспондент Петербургской АН, академик Украинской Академии наук (руск.)
- Николай Иванович Петров // Православная энциклопедия «Азбука веры» (руск.)
- Нарадзіліся 12 красавіка
- Нарадзіліся ў 1840 годзе
- Нарадзіліся 24 красавіка
- Нарадзіліся ў Галіцкім павеце
- Памерлі 20 чэрвеня
- Памерлі ў 1921 годзе
- Памерлі ў Кіеве
- Пахаваныя ў Кіеве
- Пахаваныя на Байкавых могілках
- Выкладчыкі Кіеўскай духоўнай акадэміі
- Выпускнікі Кіеўскай духоўнай акадэміі
- Члены Навуковага таварыства імя Шаўчэнкі
- Кавалеры ордэна Святой Ганны 1 ступені
- Кавалеры ордэна Святога Станіслава 1 ступені
- Кавалеры ордэна Святога Уладзіміра 3 ступені
- Кавалеры ордэна Святога Уладзіміра 4 ступені
- Кавалеры ордэна Святой Ганны 2 ступені
- Кавалеры ордэна Святога Станіслава 2 ступені
- Кавалеры ордэна Святой Ганны 3 ступені
- Лаўрэаты Увараўскай прэміі
- Асобы
- Вучоныя паводле алфавіта
- Гісторыкі Расійскай імперыі
- Літаратуразнаўцы Расійскай імперыі
- Філолагі Расіі
- Этнографы Расіі
- Багасловы
- Маскоўская духоўная акадэмія